اقتباس:
1/أول سفرة كانت..متى؟....إلى؟
قبل 8 سنوات وأنا في أول ثانوي .. في رمضان لمكه لأداء العمره ..
2/أطول سفرة كانت لمدة....؟
فيه سفرات طويله لكن ممله .. كذلك فيه سفرات طويله لكن ممتعه ..
السفره الأخيره لي في الإجازه الماضيه من الرياض إلى الديره كانت 12 ساعه وهي اطول سفره .. لكن كانت ممتعه .. والسبب الخوي .. والجو الممطر من يوم طلعنا من الرياض إلين قلنا سلام يا عوال ...
3/أحلى بلد زرته؟...ما الذي شدكإليه؟
ما طلعت من السعوديه ..
4/لو شاءت الظروف (عمل... مثلا) أي بلد غير بلد كنت تتمنىتعيش فيه؟
الرياض بإذن الله ..
5/أحلى أكلة ذقتها كانتمن....؟
كثير ... لكن من يد الوالده أكيد .. ومن يد خالتي ..
6/طرفة صارتلك في احد أسفارك و لازلتتذكرها؟
فضيحه مو طرفه .. الأسبوع الماضي كنا راجعين من الديره للرياض .. ووصلنا القويعيه أذان العشاء .. طبعا أنا كنت نايم وما دريت إلا خويي يقول قوم نصلي ونصحصح ..
نزلنا صلينا .. ولما ركبنا قلت أنا بأسوق وأنت ريّح شوي ..
سدح المرتبه وأنا حركت .. ربع ساعه وألا هو يصيح .. بسم الله عليك .. وش فيك ؟
قال أنت مشيت سيده .. قلت أيه ..
قال أرجع أرجع الله يأخذ إبليسك .. ناوي ترجع بنا الديره ..
والسبب لما وقفنا نصلي .. دخل بنا حاره في الجهه المقابله .. وإذا دخلت الشارع كأني متجه للديره مره ثانيه .. وأنا ما أدري أنه دخل الحاره وصرنا عكس الشارع ..
لو ما قام كنا رديته الديره ...ههههه .. فضيحه من جد .. ومن قمة التركيز ما طالعت في اللوحات ...
7/أجمل تذكار للحين تحتفظ به كان...؟من؟
حاجتين / * ورقه صغيره من شهر 3 عام 1419 هـ ولا زلت محتفظ فيها .
* قلم من خويي من ست سنوات ...
8/آخر بلد زرته؟
ما طلعت ..
9/شيء لا تستغني عنه في سفرك طبعا بعد القرانالكريم؟
المسبحه ..
10/أحلى استضافة كانت في...؟
أبها ..
11/أكثر مطار شدك..؟
مطار الملك خالد بالرياض ..
12/بلد ودك تزورها إن شاءالله؟
بلاد الأندلس " أسبانيا " ..
13/كلمة(أو نصيحة) أخيرةللمسافرين؟
|
اقتباس:
التركيز .. وعدم السرعه .. وقبل ذلك الدعاء ..
|
كل الشكر والتقدير للأخت المشرفه " نجديه " ع الطرح ..
وأترك لها حرية إختيار القائد القادم ...
صقر صدريد ..