( كتب احد الشعار يمدح بنات المغرب وإنهم افضل من الخليجيات فرد عليه طلال الرشيد رحمة الله بهذه القصيدة )


يابن الحلال ان طعتني خل الاسراف "
" واترك جمال الغيد لاهـل البصيـره
الزين موبس في الملامح والاوصـاف"
" الزين روح وعفـه وطيـب سيـره
مانيب من يهـوى سريـا وانصـاف
" انا هـواي وبـس بنـت الجزيـره
بنت الخليج اللي تماري بالاعـراف "
" وحنا نمـاري باسمهـا كـل ديـره
مالي غرام بقـول وخـا وبالـزاف "
" اذبحتني عنـد الطرحـه المستديـره
احب قولة ياهـلا وعـل وماخـلاف"
" من بنت ثوبي بنت الارض النضيره
اللي تحلاها الظبي حلـو الاطـراف "
" جمـال فـي عفـه ورقـه وغيـره
واللي بها سحر مهو سحـر عـراف "
" ياعـل عيـن ماتـراهـا يـريـره
عطف وحنان وذوق في لين الاعطاف
" والى كشفت لثامهـا شفـت أميـره
صعب على اللي بالردي شا ف ماعاف"
" وحلوه علىاللي سنـه الله ضميـره
شمس الى من اشرقت والدجا طـاف "
" غابت نجومك غصب لو هي كثيـره
السيف مايزهى سوى كـف سيـاف "
" والخيـل دون حصانهـا مستخيـره
بس أنت دورلك على قـدك لحـاف "
" وان طعتنـي دور بدلنـا عشـيـره

اللهم أسلمنا وجوهـنا اٍليك .. وفوّضنا أمورنا اٍليك والجأنا ظهورنا اليك .. رغـبة ورهـبة اليك لا ملجأ ولا منجى منك الا اليك .. آمنـّا بكتابك الذي أنزلت .. ونبـيك الذي أرسلت .