طلبتي قصيده وانتي احلى قصيده
واجمل من ابيـــــاتٍ تسطّر بديــوان
واغلى من حروف المعانـي الفريده
واعذب من اشعارٍ تغنـى بالالحــان
الحــب فـن ومنهـو اللـــي يجيـــده
غير عاشقٍ يعزف على اوتار فنان
اقســــم بربي والذي النفس بيـــده
انـك سكنتي بين رمشي والاعيـان
وانك دوى للروح وانتي الوحيـــده
اللي لها في داخلي الف عنـــــوان
في قلب من حبك وبقصى وريــده
وفي كل عرقٍ من عروقي وشريان
حسبي على الأيـام دايم عنيــــده
كم فرقت مابين عاشــق وخـــلان
ليتك تشوفي الحال وانتي بعيده
كني يتيم ولا رحم حالــي انسـان
ولو تسمعــي قلبٍ تزايــد نهيــده
كنه يحطّم داخـلــي هــم واحــزان
كتبت لك من دمـع عيني قصيــده
يفداك حرفي والقوافي والاوزان