غرتنى الأيام

صاحب السمو الملكي الأمير / خالد الفيصل

غرتني الأيام باقبالهـــا يوم

اثر النكوفه عند الأيــام عجله

جتني لياليها على دف ونغـوم

اثر الليالي بالغرابيــل جزله

فرحة نهارٍ عقبها ليل وهموم

من يوم جذ البعد محبوب وصله

فرقا الضحا تسهل على باقي القوم

لاكن على الخلان ما هيب سهلة

ما همني بعد المسافات معـلوم

لاشك بعد القـرب للصب قتله

راع الهوى من راحة البال محروم

قربه وبعده نار مــا ينعرف له

عز الله اني في ضبي نجد مغروم

راعي العيون اللي مع الزين خجله

من حبهم كني من الحب مظلوم

ونفسي عليهم يا هل العرف وجله

,,,,,, مـــــــــــــــــــــــــــــــــــــــــع تــــحـــــيـــــــــــــــــــــــــــــــاتي ،،،،،،