أقلقني الطار مدري الطرق ولا حس راعيـه = في تالي الليل لج الصوت وأحرمنـي منامـي
يا شابك الطار بالسبروج عيد القاف واثنيـه = حتى يظل المليح الحالي الزين ما يشره عليا

رحمان يا رحمان يا من فوق عرشه مرتفع =يا قاضي الحاجات يا من بالسراير مطلع
قال الفتى ابن حسين صدفت الزين اهيف قد جزع =شاء كنت باصلي ولا دركته الا حين نكع
مرنح القامه شبيه الخيزران المرتفع =ما يعرف الخرجه الا فوق الوسايد مرتفع
اذا خرج ما تنظر له والعوالم تجتمع =قيام بالطاعات والخدمه وما قاله سمع
فقلت له : بالله بكلمه وحده لي تستمع =ذا راس عبدك حر عندك ذمتك له تتسع
فقطع ولا امنع ولا استملكه ولا فبع =هذا يميني لك بعهد الله من يخدع خدع

ياحبيبي حكمت وخلّي حكمك عدال=سوبى ماتشاء وافعل على ما تريد
الله اللي عطاك وصورك بالجمال=فارق بالبها والملح فرق بعيد
من تجي راس ماله ما يبي راس مال=إن حيا جنته وإن مات يكتب شهيد
ليت من ينهبه يا سعود ذاك الغزال=ثم يزبن عليهم مثل زبنة رشيد

ياذا الحمام اللي سجع بلحون=وشبك على عيني تبكيها
ذكرتني عصر مضى وفنون=قبلك دروب الغي ناسيها
لا تطري الفرقى على المحزون=ما أدانى الفرقى وطاريها
أهلى يلوموني ولا يدرون=والنار تحرق رجل واطيها
أربع بناجر فى يد المزيون =توه ضحي العيد شاريها