قولوا لأهل ذيك المرابع والديار = ما نسينا الود لو حنا بعيـد
ليلنا الذكرى واذا حل النهار = نقلب الصفحه ونبدأ من جديـد
الهوى في القلب بانيله عمار =ما يهده عـاذل الحـب العنيـد
نعشق التلويع من لون السمار=وإن تغير موعده وأصبح وعيد
بدر ليل الصيف بيّن واستدار=وليل نجدٍ بالحـلاوة يستزيـد

وقفتني لفتت الغض الهنوف =شفت في عينه علامـات الهـوى
جابت أهلي يوم جبتّني الظروف =الله أعلم كيف جابتنـا سـوى
قلت له بالخير يا زين الخشوف =مال مجروح الهوى عندك دوى
يا مهاة الجيد كاملت الوصوف= ذاب قلبي من غرامك وانكـوى
ويش يفيد الهرج مع كثر الحلوف =لو عذلت القلب عنكم ما قوى
ما تشوف العين مثلك ما تشوف =عقب تفريق الليالـي والنـوى

شرقنا وغربنا = وعن المحبوب دورنـا
ولا جانا خبر عنه =عن أحواله يمطنـا
سألنا اللي يعرفونه =عساهم لو يشوفونه
عن الحاله يخبرونه =وعد اليوم عذبنـا
أظن قلبه تناسنا = ما يذكر عهـد خلانـه
حنا اللي على شانه =في كل لحظه تذكرنا

يا حبيبي علامك = تبدي الجفـاء كـل هـداه
من بعد هالفراق يا نديم =هل أضعت الاماني
جسمي برى من غرامك = بعد الصفاء والوداده
عليت قلبي السليم = بجهل يا عـذب الثمانـي
ما درينا مرامـك = ولا الهـوى واعتـزازه
خلالي بالي هشيم = أشكي على مـن بلانـي
يا هني بي منامك= يا ودر حالـي غراسـه
ها انا في حبك مقيم =بصبري مرُ وضنانـي

لا تحسب أني دالهٍ عنك ناسيك =لا والـذي تنصـا المخاليـق بيتـه
لا شك حال اليأس دون الرجا فيك= مالي على المكتوب لو ما رضيته
يا من طريقه لي وسهل المساليك =أقرب قريبٍ لي وصعـبٍ بغيتـه
ما شفت عبرت عيني اللي تراعيك =هلت على المكتوب ساعة قريته
الى متى راحت حياتي وانا أرجيك =حق الندى ذنبٍ لنفسـي جنيتـه
انا كان تغليني غلٍ مثلما أغليك =مجبور تعطى في الهوى ما وطيتـه
ان كان جاء مستقبلك مثل ماضيك =قلت : أه يا خلاف سعيٍ سعيتـه
وان كان تنساني فلاني بناسيك= الله لا يقطـع رجـاً بـك رجيتـه