جيتـك حبيبـي معتـرف بخطـاي =صافي النوايا والعذر وياي
صوبـك خذتنـي لهفـة الخاطـر =ما أمهلتنـي أنتظـر باكـر
أحكم على ما تشتهي وآمر=الأمر بيدك سيـدي والـراي
عطني الأمان واقبل معاذيري=صمتـك ذبحنـي وشـل تفكـيـري
رست بي عند بابك مشاويري=يالي بعيونك راحتي ومرسـاي
بسك عناد ماجانـي يكفينـي=زعلك تعبنـي وش بقـى فينـي
إن كـان ذا قصـدك تجازينـي=يكفي حبيبي قد خذيت جـزاي
أحكم على ما تشتهي وآمـر=الأمر بيدك سيـدي والـراي

ماهم لو عانيت خضر الجروحِ=ماهمنـي الا غيـابـه وفـرقـاه
ماهمني طول السفـر والنزوحِ=الصقر يكفخ من مكانـه وينصـاه
زوله يورّا لـي وطيفـه يلوحِ=فـي يقظتـي ولاّ بنومـي وورّاه
اقعد مع من جا ومع من يروحِ=والقلـب عنـده ماثـلٍ ماتـعـداه
يحن له قلبـي وتشتـاق روحي = يخضّر عشب القلب لاجاب طرياه

يازهور العشب في غب المطر=يوم علتها مراويـح السحـاب
ياشبيه الورد من بيـن الزهـر=نظرتك تجلي عن النفس العذاب
ماتشوف العين مثلك في البشر=ياعديل الروح لاتطري الغياب
صابر والثانيه عنـدي شهـر=ماتضيق الروح فقدك والعتـاب
عطني اخبارك وباعطيك الخبر=المحبه والسعاده فـي الشبـاب
عن جميع البيض غضيت النظر=تاب قلبي عن جميع البيض تاب
وغير زولك ما على بالي خطر=لو تروح بعيد طيفك ما يغـاب

معك التحية يا نسيم الجنوبي= ضم بحنانً لين العود فله ............. ؟
بالهون يضمه يا لطيف الهبوبي= لا تزعج عيونً شكت طول الأهداب
تلقاه واقف بين هاك الدروبي= في هضبةً يا ما تناجا به أحباب
تراه من بدّ العذارى لعوبي = يضحك مع ضحكه سروقً للألباب
في ضحكته لحن الغرام الطغوبي=في مسمعي لحنه على البعد ما غاب
يشهد على ما قول قلبً تعوبي =قلبً غدابه سيد أهل نجد نهاب ..

وينك يادرب المحبة =هـل أقفلـوك الحبايـب
كذبوا عليّ ألف كذبه =وظنوني في الحب كاذب
وأنا ما حسب حسابه =ماجيت من غيـر بابـه
صديت على الدرب تايه =ماحد من الناس يابه
وينك يادرب السعاده =وين الدليـل المساعـد
غريب تارك بلاده =والأهل من اجـل واحـد
ضايع وضيع شبابه =مللـوه حتـى صحابـه
صديت على الدرب تايه =ماحد من الناس يابه
يغالطوني العوازل =مافـي العـوازل عدالـه
ولايرحموا دمع سايل= يغني المحب عن سؤاله
على الخد مثل الكتابة= تشرح شؤون الصبابـة
صديت على الدرب تايه =ماحد من الناس يابه