يا شايل الظبي بين أيديه =يستاهل الظبي من شاله
بالهون بالهون يا مغليه =معطـيك ظـبي الفلا حاله
غزالك ارتاحه مع راعـيه =يبـي على الصدر مقياله
الشوق لك بالهـوى طاويه =والنفـس لك دوم مـياله
ظبيك طبيبك خاف الله فيه =وهـو يـداويك بوصـاله

ما شي بتتهادا يا زين كالعاده=حسنك يو محلاه نظره يا عون الله
سبحان من صور خلا الجبين نور =إرحم عباد الله نظره يا عون الله
بالوتر الاحمر قاصد طريق أبحُر =إرحم عباد الله نظرة يا عون الله
العنق قد زانهُ المـولى سـبحانـهُ=خلاني قد ولهان إرحم عباد الله
الشعر من طولهُ الطفل من طولهُ=حاشت سواد الليل إرحم عباد الله
الراس مرفوعه والنظره ممنوعه =حاجل يا ريش العين إرحم عباد الله
بالرقه والاحساس ساحر قلوب الناس=إرحم عباد الله نظرة يا عون الله
أبيض خفيف الظل لما علينا طل =نـّور جبينه الليل إرحم عباد الله

يا شوق يدفعني على شوفك أشواق=والقلب عندك يتلع الجيد ماسوق
أنا لشوفك طول الأيام مشتاق=عليك لي واجب وعندي لك حقوق
واجبك تفرّج ضيقة الصدر لى ضاق=وأنا عليّ أرفعك بين الملا فوق
قلبي عليكم بين الاضلاع خفّاق=حلو الكرى من فقدكم حارب الموق
في ناظري غيرك من البيض ما لاق=ما شاقني غيرك من الناس مخلوق
للحب بعيون المحبين مصداق=النظره أبلغ فيه عن كل منطوق
حرام لى مثلك مشى وسط الاسواق=بين العذارى كامل الزين والذوق
بيني وبينك ياهوى البال ميثاق=عهد الغلا مابين عاشق ومعشوق

يامن خبر قلبٍ على الهم محسود=وروحٍ من الفرقا تزايد سقمها
لي حاسدٍ بالوصل مايرحم صدود=يذكر طرب روحي وينسى ألمها
هو مادرى إني منك ضايع ومضيوم=بالصحبة اللي حلو مرٍ طعمها
حبيبتي مالي سوى الحب مقصود=ماني بمن ناسٍ تفوت ذممها
ومالي على عيونك سوى عيونك شهود=إني مخلي اللي جرحني سهمها
وين المكان اللي عمرناه بوعود=ذيك الرسوم اللي تجافى هدمها
ماكن للعبرات به وعد وعهود=ولاكن قد داست ثراه بقدمها
غديت أنا مابين حاسد ومنقود=لحد عزى روحي ولا أحدٍ رحمها

ياعين هلي واستهلي وهاتي=هاتي غزير الدمع لاتذخرينه
خليني انعي في حياتي حياتي=دفنتها مع غاليٍ دافينينه
قلبٍ من اللي شاف ياعين ماتي=قلبٍ تعرفينه ولا تجهلينه
كم ليلهٍ حرم عليك المباتي=يسهرك ويساهرك وتساهرينه
وقتٍ مضلى ليته يرايع وياتي=إن قيل شينٍ قلت يازين شينه
يوم ان لي شفٍ بدلع البناتي=هذاك مدنينه وذا مبعدينه
واليوم ذي طالت وذي قاصراتي=ماشفت زولاٍ يستخصه ضنينه
لاقلت ذا مزيون هذا مناتي=والي البريه كلهم عارفينه
استبشري بالنوم بالمقبلاتي=وشلون ابسهر عقب ماصار طينه