يا نوف لو الشوف يـروي ضمـا الجـوف
مـا مـات عــرق الــورد والغـيـم فـوقـه
ولو السمع يا نوف يغني عن الشـوف
يمشي الضرير بليـل مـا شـي يعوقـه
ولـو الجـروح اشعـار يا نــوف وحــروف
كــلٍ يسـطـر عـلـتـه حـســب ذوقـــه
يـا نـوف واقـع مــر مــا هــي بـوصـوف
ولا هــي قصـيـدة شـاعـرٍ زاد شـوقـه
ولا هـي روايـه بـيـن جــدران ورفــوف
فيـهـا الـخـيـال يـحــط خـيـلـه ونـوقــه
يـا نـوف قـصـة هــم وآهــات وظــروف
يـا نـوف عـلـة قـلـب ضـاعـت حقـوقـه
يـا نـوف لمـا الحـزن والجـرح والـخـوف
تدخل في قلب انسان لاقصى عروقه
مـا ينفـعـه يــا نــوف طيـبـه ومـعـروف
غصـب يتـنـازل عــن مـبـادئ تسـوقـه
شاكي.. وباكـي.. ويائـس.وملهـوف
شــئٍ مــزج ليـلـه بـصـفـوة شـروقــه
هذي حياة اللي على الـود مشغـوف
هيمـن عليـه الـوقـت واحـكـم وثـوقـه
يسهر ويشقـى وليلتـه مالهـا طـروف
فــي داخـلـه مـربـوط قلـبـه… بمـوقـه
|