جدران المحبه
في خفوقي منك النبض شيد لي صروح
جدران المحبه بُناها وصل علو الغمام
ومن على تلال الهوى ومن فوق السفوح
يطير شوق الهوى بجناح ود وجناح غرام
والبعاد مل منه دمي وكثرت الجروح
والعلاج في الاحتجاج على الصمت بكلام
مليت احكى ومليت من كثر الشروح
ومليت اوفي وعلى الوفا القى الملام
في قصيدي واصف إحساسي بوضوح
وفي وضوحي احساسي يعلن الإعتصام
واتبع الفكره دامها في الراس تلوح
واسردها بقافي وضادي للمعنى حسام
ما اشكي حظي وان شكاني حظي نوح
وما ابكي حتى لو رمشي للدمع رام
ياجدران المحبه كل طوبه فيكي بوح
عليت فيك البنا واصبح صرحي حطام
ياسر إبراهيم
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
|