ياصاحبي مابقالـــي فكــــــر وأدراك
لاتخلع القلب من معلاقـــه أرجــــوك

من المستحيـل أهجرك يازين وأنســاك
أصبحـت في عالمك خاضع ومشبــوك

اللـه يسعــدْك يــاخلّي ويرعـــــــــاك
ويجعــل أيّام عمــرك كلها ضحــــوك

دايم على البال ذكرك وآتمنّــــــــــاك
لكــن دونك جــدارٍ فوقه شبــــــــــوك

والله ماتكمـــل السهــــــره بليّــــاك
الله يفني العــواذل كان لامــــــــــوك

ياشوق ياكم تعنّينــا ولا القـــــــاك
في كل ماجيت شفت البـاب مصكوك

وأحلى نظــر سرّنــي طلّة محيّــاك
القلب في الصــدر يتراقص ومربوك

الله يامجمــل الدلّـــه بيمنـــــــــــاك
الله يستـــر على أهلــك يوم ربّــــوك

كلّك على بعض مثــل البـــدر ماحلاك
يابخــت من بوك جـــدّ وخاله آخـــوك

أغار مـــن لمسة يميني ليــــــسراك
وأغار من شوفتك لـمّك ولا بـــــــــوك

وأغار من لمســـة أشفاتك من الـــــراك
وإن غبت عنّي يجيني أحزان وأشكوك

دنياي ياشينها من غيــر لقيـــــــــــــاك
حبّك بقلبـــي سكـــن باثبات واصكـوك

متميّــزٍ في جمالك والله أعطـــــــــــاك
مــع السّلامــه تريّـــح وألف مبـــــروك

الشاعر/ صالح أبو غريب

سامحوني .. إن رحلت .. يوماً .. دون موعد