،













قدّريهم ياحسابات الجفا ( عُمرين ) رِيح !
والمسافة بيننا ( كلمة ) وصمتي فيلسوف !

إبتعدت بِ ( نَظرتي ) عنهم و إعرابي صحيح
ما أبد يِكسر يقيني الظّن وعيوني ( تشوف )!

من سراب آمالي الجردا ذريت الهم شيح
و أستقيت الصبر من ضِرع الجَمَاله والصُروف

عذر كل اللي أكّنّه ذنب كل اللي أبيح
يا مدوّر لهفتي والشوق من بين الكفوف

ناذره لكْ كل ( حرفٍ ) ورّد المعنى فصيح
لين تفهم في سبيل ( اللوم) ايام وظروف

ماحجبت الشمس عن عيني ولكّنك تشيح
عن هدب عيني سناها ، والحقايق في كسوف

طوّفت إذني كلام وكّذبت عيني صريح
جّرحت قلبي سهام و سطّرت بوحي حروف

كان لي قبلك ( فضاء ) وضاق بي بعدك ( فسيح)
عاد لي بعدك شتاء وملّت أركاني العُكوف

شدّني غير ( الشماته ) ليل وأصوات و فحيح
ردني عنكْ الحقيقه رُعب مِن شِكّة و خوف !

زدت بعدكْ ألف( لن ) وألف ( لمّ) والف ( ويح )
( ويح قلبي ) .. كم ترددّه الآماني والحسوف

(المساء ) اللي جمعنا بالفرح .. .. .. مدري ( ضريح )!
ماتعاقبه الهنى , إلا عفاريت و طيوف

وانت ياسيد تلاهيفي ويا نبضي الجريح
غّرك إني مِلت لك ميل النسايم للقطوف !؟

غرك أني في بعادك أحبس العَبره واصيح
غركْ أني م البدايه عاش (صمت ) ومات ( شوف)!

غركْ اني في الهوى ( لبيّيت ) وإسنادي صحيح
و إني ( أحبك) وعيني ترجمان بلا حلوف ؟

انت أول من يسابقني على ( الذِل ) وأطيح !
انت اول من يعارضني على الـحَق و أنوف

انت ماضي اللي وفاها حاضرٍ ما يستزيح
انت (وزر) اللي نقاها ماثلٍ فوق الوصوف !

لكْ بخاطر ( فرحتي بك) حلم ارديته ذبيح
لكْ بحاضر ( لهفتي لك) عِشق ما يفهم ظروف

صرت أرتّبني بدونكْ رفّ ( شوق ) و رّف ( ريح )
خفّت حمول الآماني زادت حمول الرفوف !

يانديمي ما لآخر ( دربنا ) من ( مستريح )
تعبت سنيني (خُطاها ) تعبت اقدامي الوقوف!

ما قدرت اغرس لي في ارضك من الآحلام ( شيح )
ذبلت أحلامي ( عناد ) ولا نفضّت الا الكفوف !






تلاهيف