تغريدات.. (3)

من كان في درب المتاهه يستخير
وان جاه زولٍ يستزلّه يدفعه

اهل الهوى في مسلكٍ جدا خطير
عسى مفرق شملهم ما يجمعه

# ابو فارس #

......................

ياللذي وسط العسل سمّك تدسّه
لو درينا كان منّه ما كلينا

ليتنا من قبلها نبضك نجسّه
حتى لا نخطي ولا يُخطا علينا

# ابوفارس #

......................

طوبى لمن سبّـح و حمّـد و كبّـر
في جنة الفردوس يغرس بساتين

وان جاه من جور الليالي تصبّـر
رجوا الذي يعطي و لا نام له عين

# ابو فارس #

.......................

يا جدتي مالك و مال السياسة
يكفيك بان الشعب كله سياسي

اللي تخصص في علوم الرياسة
واللي بشان الجيش والدبلوماسي

# ابو فارس #

.......................

لو كانت الارزاق بالسيف والطاس
ما كان بقّينا سيوفٍ بريعة

لكنها القسمة تجي ناس عن ناس
والمال والاهلون تبقى وديعة

# ابو فارس #

.......................

من يرتضي الشرّ و العثْرات بدياره
مثل الذي عينه ابيمناه يعميهاا

يدوخ لا من خرِب شارعْه في الحاره
ويش لون لو تَخرَب الدنيا بما فيهااا

# ابو فارس #

....................

إن جاتك الدنيا بما لا تمناه
فقل عسى يالله في الامر خيرة

وإن حلت البلوى بضيق و معاناة
فالصبر للإنسان نعم الذخيرة

# ابو فارس #

.......................

لا تحسب انك لا تغانيت عَنّـي
ونسيت وقفاتي ولا بيّـنت فيك

بعاتبك واقول هذا غبنّـي
الا تركتك للزمن هو يربّيك

# ابو فارس #

.........................

يا ربعنا نبغى لو ادنى الكمالي
الى متى جمعاتنا احوالها احوال

جمعة صفا والهرج ياخذ مجالي
اقلهاا من غير نتٍ و جوال

# ابو فارس #

.........................

بعض الوجيه يسرّك ان شفت مبداه
والبعض من شفته تعوّذ من ابليس

شخصٍ ملك قلبك من ادناه لقصاه
و شخص تقول الله يقطَعْك من ( Face )

# ابو فارس #

........................

ابطا شهَر عشرْة و معْه الرواتب
كلّ الشهور ابكفّه وهو بكفّة

وانا احمد لله للمقادير كاتب
باقي ورا خمسة و عشرين
لفّه

# ابو فارس #

........................

بعض الرفاقة مثيل الشامخ الباهر
يقبل عذر من نصاه و يدمح الزلّة

و اما بَعضْهم على الهفوة مثلْ ساهر
يحصي عددها وزاد بطينهاا بلّة

# ابو فارس #

........................

يالله عسى من لزّه الدين تقضيه
و تشيل عن كتفه حمولٍ ثقيلة

من زود ما به صدّ عن وجه غاليه
مغبون ما يقوى لفعل الجميلة

# ابو فارس #

...........................