شفت الغلا عندبـاب المول**وحمــايتــه من معــازيبه
من الـذهـب لبسوه حجول**نادرمن المهـد يــاطيبـه

يمشي بهالة رجل مسؤول**كـــنه ملك تم تنصيبــه
اشـرت له والتفت بـذهـول**خايف من الناس تدريبه

قال انتبـه يـاعلي من ذول**وآمروش الي توصيبه
انت المداوي واناالمعلول**والقلب محتـاج تطبيبــه

قلت الوعـديازريف الطول**يكفي على القلب تعذيبه
قال انت تـامرعلي وتطول**وغيرك من الناس وشليبه

صدقت من حكيه المعسول**قررت أجهز مشاريبه
اخلف وعوده وحال الحول**لاشـفت نوره ولاطيبــه
.................
بوحي المتواضع
ولكم التحيه
ومثلكم يعذرعلى القصور