ياليت الانسان يمسك عضمة لسانه :
ويحاسب النفس قبل الله يحاسبها .
ويحذر من الكلمة اللي تزعل اخوانه :
ويكنها في ضميره ﻻ يبيح بها .
وان كان له حاجة يصلح بها شآنه :
يقولها بإحترام وﻻ يلح بها .
والعاقل اللي دحر غيه وشيطانه :
وأقبل على سنة الهادي وسار بها .
وفعايل الطيب قدمها لضيفانه :
رحب بكل الضيوف وعد واجبها .
ويعز الاصحاب واللي ساكن وزانه :
والا يدور على الزله وصاحبها .
وبنيان الاصحاب لو ماهيب سيسانه :
على قرار متين صح طاح بها .
والطير ما شال جسمه غير جنحانه :
ولوﻻ الجناحين نفسه ما يطير بها .
وياكم كتاب يسر القلب عنوانه :
لكن في داخله مكمن مصائبها .