كانت الليله عيونك ليل انا كنت انا
كانت عيونك عليّه وانا واقف لك هنا
أحتريك قبل موعدنا بساعه من العنا
جيتي من هناك
ياهناك اللي جيتي منه
تصدقين
كنت أشوفه مثل جنه
جيتي وقلبي الواله جاني معاك
وكل هالدنيا ليلتها
كانت انتي وانا
كنت أحيا لحظتها معاك
وكل ما أقتربتي واقتربتي
آنا هنا كنت مدري
منين أبدا والتقيك
من يدّيه....؟
أو من عيوني....؟
أو بكلي اللي يبيك
والتقيك واحضنك بيدّيه
كانت الأسرار الخطيره أنك تحبين
وكانت عيوني عليك غيمه مطيره
كنتي بعيني تحت المطر ترقصين
وكانت القصه حقيقه
في حقيقتها مثيره
برغم الأسرار
واللي ما اظنك للحين تصدقينه
أني وللحين اذكر
بليلتها كل الثواني من لقانا أذكرها الى اللحين
حتى خفقات قلبك
ورمشة اهدابك
وكحلة عيونك
وجمرة شفاتك
وابتساماتك
والوله بتسارع أنفاسك
ونبرات صدق أحساسك
بصوتك
اذكرها وكنّها اللحين هاللحين