لا تحدتك النوايب و خلاك االرفيق=و اصبحت دنياك قدام عينك مظلمة
واكتشفت إنك وحيد على جال الطريق=ما تلاقي حولك إلا نفوس مجرمة
ما لقيت اللي يواسيك في هم وضيق=غير شتم وذم واقفا زمان المرحمة
واختفى عنك الموالي وجافاك الصديق=حل بك ما يشبه الذل بعد المكرمة
لا يغرك قولة الناس ذا ساسه عريق=الكلام يزيد والخافي الله يعلمه
كم عريق للملمات قلبه ما يطيق=يدفعه ساسه وعند النداء يبرد دمه
كم سمعنا من شقيق تخلا عن شقيق=لجل دنيا فانية باع دمه ولحمه
طاح في غيبوبة أمره وعيا لا يفيق=وانشغل بالمال والله من الخير أحرمه
لا تلوم القلب لو شب في وسطه حريق=كان ما لك قدرة في ظروفه تدعمه
والذي ما يعرف الغوص ما ينقذ غريق=خوفتي يغرق ويخنق ويتبلكم فمه
واعلم إن اللوم للحر يا خي ما يليق=والمواقف تكشف الشخص لو ما تفهمه
تجربة شاعر يناشد هل العهد الوثيق=حين شاف الوقت حده وضيّع محزمه