حوار بين الشاعر حـــامد والسياراة
من قصائد الشاعر حامد رحمه الله الإجتماعية حوار بينه وبين السيارة (وكان الأفضل سماعها بصوته رحمه الله ولكن أعذروني لأني باقي غشيم في الكمبيوتر ما قدرت احمل القصيدة ) فقال رحمه الله:
حامــــــــد :
[c]حلت على العالم ثلاث مشاهير
موجودة في حضرهم والبوادي
ما تنعرف من غير عقل وتفكير
احتار فيها أهل القلوب السدادي
لـكن للشعـار عنهـا تعابير
إلى وضحوها في بيوت جيادِ
فمن أكبر الويلات كثر السياير
لـو تعد بالمليار زاد العــدادِ
في كل بيت خمسٍ على أقل تقدير
وفي كل ورشة فيها ماية رقادي
وخبوت مليانات بصغير وكبير
سارت من القلبات مثل الرمادي
عمت وطمت سابقات المقادير
يا مصنع اليابان وين أنت غادِ
بالله عسى الله لا يجازيك بالخير
تعطي المجانين السيوف الحدادِ
يتولون بهـا رقاب المناعيـر
كم عين أمست بعدهم في سهادِ
موترك حط في العباد التعازير
نشكي الى الرحمن رب العبـادِ
هاتي جواب العدل دون تأخير
إن كان مالك ذنب هات الرشادِ
السيــــــارة:
فقال اسمعوني وافهموا ياهل الخير
ياهل الحكم وأهل العقول الرشـادِ
فسرتوا المعنى على غير تفسير
وقمتوا عليَـه تكثرون انتقادي
كنكم نسيتم يوم كنتم مغابير
وتقابلون نعمتي بالجحـادِ
انا طويـل الـدرب خليته قصيرٍ
ما عاد به بين أرض وأرض بعادِ
الموتر ماله ذنب والذنب للغير
وده يسوقـه محتمٍ في ركـادِ
يا شاعر ابغى منك في الحق تبصير
بيني وبين النـاس خـلك حيـادي
حــامــد:
قلت اقترح بالخير يا مصنع الخير
واسمع كـلامٍ وافي مـن فوادي
غير صنعتك طاحت في ايدي المقابير
غلمان مـا وصلـوا لسن الـرشـادِ
وإن جينا ننصحهم ونقول هدوا السير
يقولون روحوا يا شيوب البـــلادِ
وما تقدر تسوي كمانا لو اتطير
امسك جلنطه وانفلت قي انفرادِ
فقلت ولـوا يا الوجيه المعاثير
ما ترحمون الناس جاي وغادي
قلوبكم من رحمة الله معاسير
ولا لكم غير الشبا والمـرادي[/C]
ـــــــــــــــــــــــــــــ
تقبلوا تحياتي *ـــــــــــــــــــــ
|