يا كيف بعت اللي بروحه يداريك = وانته مريح البال بليلك ونومك
ذاهل منامك صيحته ما توعيك =شخصٍ على حبه يبين معلومك
تقطع رجاء من كان بالحب يرجيك = يرجيك وانته غايت العمر دومك
يدرى الهوى وبغالي الروح يفديك=ما تخاف ربك في صلاتك وصومك
الى متى يا مهجتي في تناسيك = سابق هواك وشارعات ألومك
ارحم شجيٍ طامعٍ فيك يرجيك = يا بعد عمري ما ضميرك يلومك
أون لا مروا بتذكاري طاريك = واصغي سموعٍ واتحرى علومك
ليت العذولِ يكف عذلٍ عذل فيك= يأخذ عيوني لجل منها يشوفك

يا ناعس الجفن =أرحم جفني المقروح
يا مايس القد = حبك زاد قلبي جروح
حبك شغل فكري =وحسنك ملك أمري
وانت ما تدري=إنك مليك الروح
هويتك والهوى يضني = وسحر عنيك يجنني
وصدك بالدلال يفني = يا ريتك يوم ترحمني
تجيني وتحييني = تواصلني وتدنني
بنظرة عطف تحييني = تنسي عيني كثر النوح
تعالَ يا حبيب قلبي= تعالَ أسعدني في حبي
تعالَ قول إيه ذنبي = كفايه هجر يا حبي
غرامك زاد أفكاري = وطيفك وحي أسراري
وسهمك في الهوى ناري=كوى قلبي وزاد جروح

أبي منها الخبر ويقول للا للا للا =لفى المرسول وما عيّن محله
وقلبي تايه من عامه الاول =ألا يالله يسّر من يدله
خذاه اللي على خده علامه =سوادة غيم في شمسٍ مطله
سرقني ما دريت إنه سرقني = نهبني واحسب إني فاطنٍ له
انا يوم أرسل عيونه لقلبي =عطيته مهجتي والمعطي الله
نصف زين الخلائق في عيونه=وباقي الزين في باقيه كله