كفاني عذاب الله يجازيك بأفعالك !!! = جرحت الضمير وما طرالك تداويني
مريض المحـبه داه ودواه بـوصالك !!! = ألا كيف تبخل وانت نظرتك تشفيني
ألا واعذابي كيف ما عاد يهنالك !!!= سوى إنك تشوف الموت بيديه يطويني
أنا يوم احبك ما تصورت غربالك !!! = ولا قد خطـر في بالي إنـك تجافيني
تفرغت لك يا ساكن القلب ابحالك !!!= تقل غيرك من الناس ما هم بحييني
أنا قمت أناجي بين الاحلام مرسالك !!! = وزولك حبيبي لو بالأحلام ناسيـني

سايق الخير ساقك يم عاشق جمالك =لو تأخرت باصبر لو هي ألفين عام
أسفرت وأنورت من يوم شعشع هلالك =فز قـلبي لـفزك يا ظـبي العـدام
أنزل القلب وأمر ما به الا حلالك =أشـهد انه حظيظ اللي غدالك مقام
ما يسد بمكانك غيرك أحدٍ بدالـك =باني الك قصـور وباني الك خـيام
عقب رمضاء زماني جيت أدور ظلالك =بل ريقـي بقربك عقب طول الصـيام
كل شـي تبـسـم يـوم لامـس دلالـك =وكـل نار كوتني مـنك صـارت سـلام

وقـّف تـرا لـي والهوى وإنت ... ميعـاد=بينـي وبيـن المـوت معسـول ماهـا
طـــق الـلـثـام ولا تـبـيـن لـحـسـاد=لا لا تـخـلـي كـــل عـيـنـن تــراهــا
فـي شفتـك جمـرٍ حَمَـر فيـه وقــاد=اغليـت انـا لـون الجمـر مـن غلاهـا
اخـاف مـن واهــج شفـايـاك يــزداد=يـحـرق ورود الـخـد واهــج سنـاهـا
رمشٍ علـى جـال النواعيس صيـاد=ذبـح القلـوب الـي يتعـرض حمـاهـا
عقلي وقلبي منك في حرب وجهاد=واخــاف دق القـلـب مـيـل خطـاهـا

محريٍ بالخير يا مزن النشا = يا حلو عقب الوسم رجع السحاب
هل رذاذك على روض الحشا = ربّـــــعْ بقـــلبٍ دوامٍ لك شبــاب
كل زهر فاح عطره واغتشى = بالريــاض وبالنــفود وبالهضاب
ما نسيتك يا هوى بالي حشا = حـــبك بقلبي وبالخــــفاق ذاب
عادني شوقٍ قـــديمٍ وانتشى =في هواك مــــــولعُّ ما قط غاب
لو غشاني بالموده ما غشى = أشتهي فيك الهوى لو هو عذاب
فيك من مشيَ الظبي ليمن مشى = لين عاود وألتفت ثم استراب
يا حلو فزة ْ جفـــالك يا رشا = يوم تسبح بالصحاري في سراب
الهوى ماعطيك مني ما تشا =في حياتي يا حياتي لا تـــهاب
ما يفوز الحاسد اللي بك وشا = فيك حســـاد الهوى ياكل ترااااب !!!!