إسمحيلي يالغرام العف الـوجه السمـوح=إن لزمت الصمت أو حتى لبست الأقنعة
أعترفلك ما بقى من عالي الهـمه سفـوح=إنحدر كـلي كما طـفل تـحدر مدمـعة
أه يا جود الحزن وياي والفـرحة شحـوح=ضايع بهمومي الغبراء بوسط المعمعة
أشتكي لوسـادتي دنياي وأسمـعها تـنوح=كنها بعضي وبعضي وين هو من هو معه
مختلط في عبرتي حبر الشقى ودم الجروح=مستوي في نظرتي غرب الوجود ومطلعه
عودي المبري بقابه من عطايا الوقت روح=وفصل خامس حاير بين الفصـول الأربعة
راس مالي ذكـريات وحلـم وآمال وطمـوح=لا صديـق ولا رفيـق ولا طريـق أتبـعه
سامحـيني دام عذري واضـح كل الوضـوح=إسمحيـلي بالرحيل بلا تذاكر وأمتعة

ألا واشيب عيني يوم قالولي فمان الله=تحققت انهم من عقبِ لا ماهم مقفيني
تغايا لي خيال الموت يومه مدني يمناه=ولد بعينه الخرسا عقب ما اقفا يراعيني
نهت وقلت مما جات بالصندوق وا عزاه=سرا بالله الباكر يطرد ما بينه وبيني
حبيبي خذت قلبي قلبك المحبوب عطنياه=على شان نتساوى في المحبة وفي الموازيني
حلفت بنور عيني لو يطول البعد أنا مانساه=أنا وش لون أبنسى الي من العربان شاريني
ولا قارنت به غيره خجلت وقلت وانقصاه= أنا وش لون أقارن كميل الأوصاف بالشيني
تصبر يا خفوق صار تاه اليوم وسط رداه=على رجو ان رب العرش يدنهم ويدنيني
ولو هو في حسن يوسف كسف بالنور نور ضياه=واختمها عسى ربِ بلاني به يقويني

أنا وخلي كل دارٍ وطنا =عيني وقلبي كلها له هديه
لو التمني ينفع اللي تمنى= ماكان صرت اليوم نفسي شقية
أشوف كلن مع حبيبه تهنا = وأنا حبيب الروح صعبٍ عليه
قلبي بحبك ياحبيبي تعنّا = أرحم ياعل أيام عمرك هنيّه
إن كان سيد البيض بالوصل منا = خطيته ياكبرها من خطيّة

أون ورياح الليالي توِّني =والبرد في جوفٍ كما الغار خاوي
ما كن لي قلبٍ ولا عقل كني =جذع وقف في وجه الايام ذاوي
وبي عبرةٍ محبوسةٍ تمتحني =في عيني وحلقي وصدري شكاوي
وبي من قديم الوقت جرحٍ مكّني=وبي من جديد أيام وقتي مكاوي
إن قلت زانت خالف الوقت ظني =وإن قلت هانت عاجلتني بلاوي
أجامل أيامي ولا جاملني .. ماجاملني =هامت بي الدنيا هيام الخلاوي
الوقت جاير والليالي اسهرني =والحزن ما بين الضلوع متلاوي
أون وكلٍ يحسب إني اغني=عليل وكلِ يحسب إني مداوي

إلي مني نسيت الـــهم ســــاعة =تــحدني هــمومي وأذهــلني
واهوجس كني ما حولي جماعة =ودموع العين هلن وأفضحني
ترى قلبي مع الغالي وداعه =سموح بالــوداعه وبالتـهني
أنا مالي مـــرام ولا طمـــاعه =يا كود مشاهد اللي غاب عني
وقلبي لا يع .. أهل الحب لاعه =ولا لي حيلةٍ غــير التمــــني
جروح الحب ما تحتاج إشاعه =ولو أخفـــــيتهن يبــينني
فراق الشمل يا زين اجتماعه =لياليها أبــعدنا وأبـــعدني
ولو هي بالببتاعه وبالشجاعة =أخاطر لو تروح الروح مني