جبــر الـظـروف

مــــاجـور يــاقـلـبن شـكــــا بـعد غاليه .**. قلبن على حـب المـواَصَـلْ هنــاوي

الـوقـت يــمشي بــه علـى غـيـر قـاديه .**. تضرب بـــه الافكــــار معْ كل لاوي

يسمــع لـصوتـن داخـلــه دوم يــــاتيـه .**. صـوتن يـنـسّيـه الـقديـم الـشقــاوي

والى حصـل شـوفـه ترى اللاش يفديه .**. ويـفـداه مـن كل العطــاوي نـقــاوي

لادق نـجـــره اول الصبــــــح بـيـديـــه .**. كنّــه يـلحن لــي فــريـــد الـغنـــاوي

وان مــدّ لـي فـنـــجـال بـنّــه ويــعطيـه .**. خذْته وانـا كيـفـي صعـيب المنــاوي

اتّبـــع ابعينـي حـضوره وانــا اصغيــه .**. واقـول يـا جعل السوالـف رهــــاوي

مـن سجـتـــي بـــه روّح الفـكـر يطريه .**. وينـظم ابيــوتـن لهـا القـلب هــاوي

جعــل الـشـقى عنّـه وانـا فيــــه بكفيـه .**. وجعل السعاده دربــها فيـه تـــــاوي

البارحه اسري له على الدرب واطويه .**. واردد افـصدري لـحـونن خـفــــاوي

واشـد ممشـايـه عـلى الـخـط اجـاريــه .**. با قّـرب ألــبيته وانـــا لــه عنـــاوي

في نــور صبــحن عـلّه الــوقت يمحيه .**. ذاك النــــهـار اللـي عليّـــا صــلاوي

ادور الــبيـتــه وادور ولا فــيــــــــــــه .**. مــاغيَــر منـديـله عـلى عــود زاوي

اطنــاب بيتن لــه مـع الصبـح مخليـــه .**. مـن كان فـي قـلبـي لـه الحب راوي

يــاقـو قـلـب اللـي عـلى الـهجر يمشيه .**. مايـدري ابـقلبـن عـطيتـه نــــــداوي

الله عـلـى هـمـن عليّـــــــا وبـسريـــــه .**. لازودة بــقـعـــا عـلـيـا الـشـكـــــاوي

واليــوم لاشـكـوى ولاخــافـي اخـفـيــه .**. وردت بـابـيـــاتن وعــالبـعـد قـــاوي

مسموح يا غرون على البعد مقصيــه .**. جـبـر الظـروف اللي معآها الرجــاوي