*
لو تركتي قلبك القاسي على قلبي حكم
الخساره واضحه من قبل لا تحكم عليه

أنت مبدع في فنون الطعن طعناتك ألم
أنت ريشة غدر والرسام فنه في يديه

أنت قاسي قلب مالك قلب تفكيرك وهم
أنت مبدع في فنون الغدر ماحولك شبيه

كنت أقاسي وقتي العاثر وزدتي الهم هم
كنت أظنه يحتويني وخاب الظن فيه

من هو اللي شال حملي غير وقفات القلم
لانخيته ماتركني وان تركني احتميه

يامراكب عمر حارت والمواني تنهدم
والمراسي فوق بحر العشق تتراكم عليه

وين ألاقي حضن دافي ينتشلني من عدم
آآه لوتسمع مشاعر تصرخ الصرخه أبيه

أوعدك بعد الرحيل إنك تشوف الدمع دم
قلب مالك فيه مكسب لا تفكر تشتريه

.

اتمنى ان ترقى لذائقتكم الشعريه
وسلامتكم