منتديات بني عمرو - عرض مشاركة واحدة

08-06-2012, 07:26 PM

الازديه
بارك الله فيك
واحد في الرياض يقولون مر بمسجد ولقى سوبر مان(جمس) شغال ركب وحط رجله مبسوط مع خويه اللي ركب معه ودق حنك وسوالف
طالعو بالجمس ورى الا والمراتب مصفوطه وموجود جثه بكفن اثاري صاحب السياره موقف عند المسجد ومخلى المكيف شغال
على اساس الجثه ويصلون على الميت ويوم طلع الا مافيه الا مكانه نهاية قصتهم ماني عارفها بالزبط
لكن دام الدعوه سرقه وكان اتجاههم للمسجد اكيد كانت احذيه وتطورت في اسرع وقت الى سياره

زمان كنت من الشباب اللي يكشخون بالحذاء
والحمد لله هذا من فضل ربي وقتها ثلاثه ارباعهم بدون احذيه
راس المال زنوبه الله يكرم الجميع واذكر لونها اخضر
ويسرقها واحد بعد صلاة العصر ويروح يحط عليها وسم
ويجي يصلي فيها المغرب ووينك ياليل ذاك اليوم في حرم المسجد الين يالله يالله اتضحت الحقيقه وعادت الكشخه
وكل ذلك قال ابوي شاريها لي وابوه في المسجد وكان يطول بالصلاه الله يتقبل منا ومنه يعني كان اللي يقفل باب المسجد ما احد وراه
قال وش عندكم قلت ولدك سرق الحذاء وراح وسمه ويقول انك شريته له وهي بالوسام
الوسام عباره عن مفتاح احرقه وطبع به على الزنوبه
قال رجع حذيان الولد وامش البيت الله يصلحك