ياليت الانسان يمسك عضمة لسانه
 

ياليت الانسان يمسك عضمة لسانه :
ويحاسب النفس قبل الله يحاسبها .
ويحذر من الكلمة اللي تزعل اخوانه :
ويكنها في ضميره ﻻ يبيح بها .
وان كان له حاجة يصلح بها شآنه :
يقولها بإحترام وﻻ يلح بها .
والعاقل اللي دحر غيه وشيطانه :
وأقبل على سنة الهادي وسار بها .
وفعايل الطيب قدمها لضيفانه :
رحب بكل الضيوف وعد واجبها .
ويعز الاصحاب واللي ساكن وزانه :
والا يدور على الزله وصاحبها .
وبنيان الاصحاب لو ماهيب سيسانه :
على قرار متين صح طاح بها .
والطير ما شال جسمه غير جنحانه :
ولوﻻ الجناحين نفسه ما يطير بها .
وياكم كتاب يسر القلب عنوانه :
لكن في داخله مكمن مصائبها .

يا سلام أبو محمد يا سلام ..
درر وكلام رائع جداً ..
القصيدة راقية هدفاً وكلمةً ومعنى ..
تعجبني القصيدة الإجتماعية كثيراً وتعطيني انطباع لوعي شاعرها ..
قد تكون لموقف خاص أو عام ولكنها ناجحة في مقاصدها ومضمونها وهذا هو الأهم ..
بدون شك أبدعت وقلت كلام موزون جداً ..
والطير ما شال جسمه غير جنحانه .
ولوﻻ الجناحين نفسه ما يطير بها .
وياكم كتاب يسر القلب عنوانه .
لكن في داخله مكمن مصائبها .
ختام كبير لقصيدة شاعر يعي معنى الكلمة ومقدار البوح بها ..
صح الله لسانك ولك تقديري ..

صح لسانك
دمت ودام قلمك في سماء الابداع

ياسلام نصائح راائعه سلمت يالشاعر
وصح لسانك ولاهان قافك
مروووووري المتواضع ولك التحيه.