ماني براثي بو علي في وفاته=برثيك يا نفسي على كل تقصير
ابو علي قدّم ويلقى جزاته=من مالك الدنيا ولي التدابير
الطيب طبعه و الوفا من صفاته=والجود والمعروف راس المناعير
كم داخل في الدين يلبس عباته=واسلم على يدينه و نال التباشير.
همتْه رفع الدين واغلى مناته=ما حال دون اعزومه ايّة معاذير
حتى رحل ما اهتزّ يومٍ ثباته=مقصدْه حج البيت تالي المشاوير
كم مسلم يدعي وتلهج لهاته=عساه في الجنات مسكن هل الخير
صلّوا عليه احشود زود ابغلاته=اشهود ربي علّ قبره تياسير
كنّه يوصّي و امعنوا في وصاته=وصية المشفق ومعها المناذير
كلٍ يقدم قبل ياتي مماته =لا تشغله نفسه فيلقى المخاسير