طلبة الله تبدأ والصلاه عالرسول =
بعدها يا سلامي بعد طول الغياب=
يا سلامي عليكم يا جميع الحضور =
والله يعيد شهر الصوم وأنتم بخير=
وأعذروني تروا كانت ظروفي عصيبه=
أشغلبتني ثلاث شهور متكامله =

الرد=
مرحبا يا رفيقي و الغلا لك رسول=
جيت بالدرّ و مْعانيك فيها غياب=
ما تزحزح سلوم الكفو لو زاح ضور=
وان دعي كان في الاول ولا هو بخير=
ليّنٍ في و جيه الربع و بلا عصيبة=
طيبة و شيمةٍ في الرجل متكامله=

البدع

مرحبا هيل والترحيب حق اوصول
عد مالاح برق وهل مزن السحاب
وانت وافي ولا يلحقك شك وقصور
قلتها وانت شاعر لك مقام كبير
مير كلٍ في الميدان ياخذ نصيبة
لو يجي في المواقف ضحك ومجاملة

الله يبقيك يا الشاعر عوض ويسلمك وكل عام وانت طيب
ظروف بسيطة والحمد لله عل كل حال


الشيباني ارحب تراحيب المطر ومشكور على الرد ويعلم الله انه يسرني ردك وبدعك ولابد من محاورة جديدة بيننا قريب ولك مني اطيب تحية