|
افكار بالتوست ~ للي يحبون التوست
الفكره الاولى : صينية التوست بالدجاج ( كيكة التوست المالحه ) المقادير : كيس توست ابيض دجاجه مسلوقه و منزوعة العظم و الجلد جزر مبشور بصل فلفل اسود ملح جبنه شدر مبشوره كاسة جبنه سايله علبة قشطة التاج الطريقه : نقطع حواف التوست و نضع طبقة منه في الصينيه و نشربه بقليل من حليب سايل بعد ما نسلق الدجاجه و نشيل عنها الجلد و العظم نفتتها , نقطع البصل و نشوحه علا قليل زيت طبخ حتى يذبل ثم نضيف الجزر المبشور و نحرك قليلن نضيف الدجاج و نحرك قليلن حتى تمتزج النكهات ثم نضيف قليل ملح و فلفل اسود و نحرك نطفي النار و نضيف شدر مبشور و نحرك نضع حشوة الدجاج فوق التوست و نساويها ثم نضع طبقه ثانيه توست مقطع الاطراف نخل في الخلاط الجبنه السايله و القشطه و نصبها علا التوست ندخلها الفرن ربع ساعه من تحت ثم من فوق حتى تصير ذهبي و بالعاااااااااافيه الفكره الثانيه : رولات التوست بالدجاج المقادير : توست ابيض دجاج مسلوق و منزوع الجلد و العظم و مفتت بصل جزر مبشور ملح فلفل اسود جبنه سايله مايونيز بقدونس مفروم الطريقه : نشوح البصل بعد تقطيعه علا النار مع قليل زيت نضيف الدجاج و نحرك نضيف الفلفل الاسود و الملح ثم نطفي النار و نضيف قليل جبنه سايله علا الدجاج و نحرك نقطع اطراف التوست ( لكن مانفرد التوست بل نتركه مثل ماهو ) نضع قليل من الحشوه في كل قطعة توست نلفها ثم نغمس اطرافها في مايونيز و نغلف الاطراف بجزر و بقدونس و بالعااااااااااااااافيه الفكره الثالثه : جيب التاجر توست مقلي المقادير : توست ابيض دجاج مسلوق و منزوع الجلد و العظم و مفتت بصل جزر مبشور بازلاء فلفل اسود ملح جبن سايل او مايونيز بقسماط بيض مخفوق الطريقه : انزعي اطراف التوست ثم قطعيه مثلثات او انصاف دوائر اضغطي علا الاطراف و اتركي طرف واحد مفتوح غمسي التوست في البيض ثم البقسماط و اقليها شوحي البصل بعد تقطيعه ثم اضيفي الجزر و البازلاء اضيفي الدجاج و حركي ثم اضيفي الفلفل و الملح ادهني التوست من الداخل بالجبن او المايونيز و احشيها بحشوة الدجاج و بالعاااااااااااااااااافيه الفكره الرابعه : بيتزا التوست سريعه المقادير : توست ابيض جبنه شدر زيتون شرايح نقانق هوت دوغ طماطم كاتشب الطريقه : ننزع اطراف التوست نضع الشدر علا قطع التوست ثم نضع فوقه بقية المكونات و ندخله الفرن حتى يصير ذهبي من فوق فقط الفكره الخامسه : حلا ليالي لبنان المقادير : توست ابيض علبتين قشطه تاج فستق مجروش نشاء الذره كوب حليب سايل الطريقه : ننزع اطراف التوست و نرصه في صينيه بايركس نضع الحليب و القشطه و نشاء الذره علا النار حتى تثخن نرص نصف الكميه علا التوست نضع طبقه ثانيه من االتوست نضع باقي الحشوه عليه نضعه في الفرن عشر دقايق الى ربع ساعه من تحت فقط نبردها ثم نسقيها بالشيره و بالعاااااااااااااافيه اتمنى تعجبكم الافكار :$ |
عوآآفي نواااارتنا عالطرح
طرق بسيييييطه ومشهيه وتخدم وقت الأزمات يعطيك آلفيييين عافييه كل الود |
هلاوغلاا يا عطووووره نورتي و عطرتي:$
|
وصفه سهلة وحلوه وتفتح النفس
خياراتك بقمة الذوق كل الشكر لروعة إنتقائك |
ليالي جنوبيه
هلا و غلا يا حبي:$ |
تـــسلم الايادي على هالوصفات الحلوه
جميعها طرق سهلــه ,انا مجربه جيب التاجر ومــــره جنان *** لاعدمــــناااااك نواااااره طرح مفيد*"~ كـــل التحايا** |
هلا والله و مليون غلا الرحايا
|
هلاوغلا فيكم جميع و منورين :$
جبت طريقه جديده لعمل طبق بالتوست و هو طبق شهي و لذيذ و يستاهل انو ارفع الموضوع :$ استمتعو معنا بلذة الافطار الفرنسي :$ المقادير : توست الكميه حسب الافراد كوب حليب سايل ثلاث بيضات سكر حسب الذوق فانيلا عسل او مربى ربع اصبع زبده الطريقه : نخلط الحليب مع البيض و السكر و الفانيلا و نغمس التوست فيه نذوب الزبده علا نار هادئه و نضع التوست بعد تغميسه علا النار حتى يصبح ذهبي و يُقدّم في الفطور مع العسل او المربى و الشاي :$ و بالعافيه |
يعطيك العافيه غلاتي
لبى قلبك ماااااقصرتي وراح اجربها وبرسلك منها فديتك تقبلي طلتي سسسوسآٍٍ |
هلاوغلا سسسوسآٍ :$
فديت الطله نورتي و بالعافيه قلبووو :$ |
اهلـــين .. :$ جبت فكره جديده للتوست و شهيه جدا .. سندوشتات اللبنه و الزعتر .. المقادير توست منزوع الحواف لبنه زعتر بيضتين ملعقتين كبيره جبن سايل الطريقة ناخذ التوست ونحطه في صينية، و نحط فوقه طبقة كبيره من اللبنه و نحط الزعتر فوق اللبنه ثم نحط طبقة توست ثانيه نخلط البيض والجبن بالخلاط.. ونصبه على التوست و ندخله الفرن حتى ينشف بس مو مره و يتحمر من فوق .. ثم نطلعه و نقطعه مثلثات و بالعافيه |
مساءكم توست محمص ..
جبت طريقه جديده و حلوه مره للتوست تنفع لوقت العصريه او النزهات .. مقرمشات التوست .. ناخذ توست و نقطع اطرافه و نقطعه مستطيلات او حسب رغبتك .. ندهن التوست بواسطة فرشة الدهن بقليل من الزبده الذائبه او زيت عادي .. نرش قطع التوست بقليل من الملح و الفلفل الاسود المطحون و الكمون المطحون و ثوم مفروم مره و اذا عندك جبنه مبشوره برضو .. و نرص التوست في صينيه و ندخلها فرن حامي بس دقايق حتى تتحمص و تصير مقرمشاااااااااااااات .. و بالعافيه .. |
هــــآي .. :$
رجعنا عبر هذا الموضوع و بحركه جديده للتوست .. :$ كبة التوست .. تحتاجين الى توست .. تزيلين اطرافه .. تطحنينه طحن ناااااااعم جدا .. تعجنينه مع زبده مذوبه بحرارة الغرفه .. الحشوه دجاج مفروم مع بهارات و بطاطس مكعبات صغيره مسلوق .. و ملح و فلفل اسود و بصل مقطع صغير جدا .. تشوحينها كلها مع بعض على النار .. تتركينها الين تبرد تماما .. خوذي مقدار زي الكوره من عجينة التوست اللي عملناها .. تجوفينها زي الكبه .. تضعين فيها مقدار ملعقه صغيره من حشوة الدجاج .. تقفلينها زي الكبه بالضبط .. تقلينها و تنشفينها من الزيت .. يا رب تعجبكم .. :$ |
يسلموووو
مشكورة عالافكار الحلوة |
يعطيك العوافى على الفكره الحلوووه
|
| الساعة الآن 09:02 PM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir