صوت وصدى... أبوفارس & ابو عبد الله
ماني بمجبولٍ على نظم الامداح
ولا لها في الراس عندي مزاجي و مجّها لا صارت اهياط ونباح وقول يالله من غثاها الخراجي الا ليا منّ اسعد القلب وارتاح وانفكت ابوابه وجاها انفراجي للي جدير ٍ بالمدايح له وشاح يكسى به و يوضع على الراس تاجي منهم ابو عبد الله الشهم لا لاح نور المثايل منْه مثل السراجي عسّاف دهم الخيل والحِجْل ما طاح الا على النادر مثير العجاجي واليا قطف الازهار فالعطر فوّاح من روضة ما احدٍ وصلها وداجي عدٍّ رهاوي منهله عذب لا انزاح* في وقتنا اللي فيه زاد الهماجي شعره دوا و جراح واحزان وافراح و اليا مدح منبرْه رجّ ارتجّاجي نطرب على قافيه و نعيد لا باح مجلسْه ما ينمل فلّة حجاجي لو راح بن جدلان فالنهْج ما راح خليفته معنا بحسّه يناجي الشاعر / سعيد بن عوض العمري _______________________ يا مرحبا يا راس مالي والأرباح يا مكسبي بين الرجال وخراجي عز الله ان الراس من قافكم فاح وانا على جرتكم اروح وآجـي والشعر في مدح المطاليق ينساح ويصير له وسط النفوس اختلاجي خصاً في الي لا تردى ولا طاح ولا مشى في سكة الاعوجاجي سعيد ابو فارس على نهج الاصلاح ماهو من الي له طريق ازدواجي شاعر وشيخ ونور بادي ووضاح متجليٍ مثل البدر في الدواجي طيبه على مر الليالي والاصباح مـاهو غـريبٍ منـه ولا مفـاجـي من اسرة العياش والعد ميّاح مثل اسرة الشعلان ولا العواجي يوم الفقر والجوع والخوف مجتاح ابيوتهم للناس مثل الملاجي وان دق ناقوس الخطر والخوي صاح للخوف امان وللظلام انبلاجي وايمانهم خطلٍ تمرجح تمرجاح فيها لعسرات البلايا علاجـي الشاعر / خالد بن عبدالله بن مشرف |
كلٍ من البدع والرد في قمته شعراً ومعنى ..
صح لسانكما فقد أجزلتما وأبدعتما بكل روعة واقتدار .. منها للأجمل ولكما التقدير .. |
اقتباس:
صح بدنك أبا ريان و مرورك يزيد الشعر جمالا وابتهاجا لا عدمناك با غالي...،، |
بيض الله وجوهكم وصحت السنتكم .
بدع ورد رائعين . شكرا لكما . |
صحت السنتكم ماشاءالله
الله يعطيكم العافيه |
ابو فهد
عذبة الروح صحت ابدانكم ولا عدمتكم |
الساعة الآن 05:43 PM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir