|
زيارة منتزه حي البجيري - الجمعة 31 يوليو 2015
اليوم اتصل علي أخوي الأكبر وبما إنا الاثنين عزابيه هالفترة
قالي وش رايك نطلع ناخذ لنا لفة كذا المهم من غير تخطيط مرينا منتزه البجيري لأوله مره أزوره ومعروف إنهم افتتحوه الفترة الماضية ويقع في الدرعيه ومصمم بشكل اكثر من رائع وممتاز وحلو للعوائل يروحون بقهوتهم وعدتهم ويغيرون جو هناك مع ان الأجواء هالأيام حارة لكن بالليل يكون الجو هادي شوي . المهم انا ما أطول عليكم وأدري فيه صور للمنتزه لو حبيتوا ترجعون لها عن طريق قوقل بتلاقون افضل لكن مامعكم إلا ماحصل .. هذي بداية مدخل الدرعية القديمه http://store2.up-00.com/2015-07/1438374598254.jpg وهذي بعد للمدخل ومعروف إن وقت المغرب يسمونه الوقت الذهبي للتصوير لأن كل شيء يأخذ لون الذهب مع الغروب http://store2.up-00.com/2015-07/1438374598375.jpg هنا الساحة اللي موجود فيها المطاعم والمقاهي والمحلات وهي تقريبا السنتر http://store2.up-00.com/2015-07/1438375175591.jpg هنا جزء من مكان الجلسات والبرك المائية والمسطحات الخضراء http://store2.up-00.com/2015-07/1438374598133.jpg هنا المسجد بعد صلاة المغرب والمتحف موجود حوله والجميل ان المسجد قديم ومعاد ترميمه بشكل عصري بنفس التصميم السابق http://store2.up-00.com/2015-07/1438374597962.jpg هنا الجانب الأخر من مشروع المنتزه لازال العمل فيه جاري وموضح الممر http://store2.up-00.com/2015-07/1438374597851.jpg اعذروني على سوء التصوير وأنصحكم بزيارته والاستمتاع بالجو اللي فيه |
جولة رائعة وموفقة ..
ودائماً عبد القادر عليه هبات على مستوى .. يحب الزحمة سبحان الله ههههه بلغه سلامي وتعيدونها وانتم بأحسن حال .. بس ياليت تودي الموضوع لقسم الفوتغرافي أحسن .. أولاً فمكانه هناك أنسب وثانياً هنا تصويرٍ يخلف العقل (: احترامي أبو البراء وجل تقديري .. |
واضح انو زحمه بس حلوو
تسلم ع هييك صور يالمهاجر لاعدمنآك .. |
اقتباس:
حرام ولو تصوير بن ظافر تم النقل وشكرا لجميل حضورك ياكبتن |
اقتباس:
الله يسلمك شاكر ومقدر حضورك |
روووعه زياره جميله واضح من الصور
ويازين بعض الهبات احسن من الترتيب ترى عندي محل كوفي هناك لكن ماباعلمكم تخسروني هههههه بالتوفيق لكم وتعيدونها وانتم بخير ..تقديري |
اقتباس:
الله يسلمك علميني به بحضر عنده يوميا :) والحساب مع الراتب |
كويسه الطلعات بين فترة و فترة تكسر الروتين المعتاد بيت استراحة دوام
عقبال تجي زيارة في محل السرقة مهرجان مطار ابها |
رووعه
يسلموو ايديگ |
بارك الله فيك ماقصرت يا الغالي
|
رائع ماشاءالله
الف شكر لكـ الله يعطيك العافيهـ |
المهاجر
يعطيك العافية شكله حلو وأهم شي السنتر هههههههههههههههههههه تحيتي لك |
| الساعة الآن 02:33 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir