منتديات بني عمرو - عذبة المبسـم

عذبة المبسـم تناظرنـي تبسـم
مادرت اني سنييـن فـي هواهـا

من قبل عدة سنيين وكنت احلـم
وقلت ياربي انـا مالـي سواهـا

عقبها شفت الغـزال الـي تلثـم
لـثـمـة شفـافـة زادت حــلاهــا

حرت بالثنتين وافكـاري تهشـم
حلوتين اصغار ومن دربي معاهـا

يالله الخيـره دعيتـك يامعـظـم
بين هالثنتين قرب لـي خطاهـا

واهتنيت برفقة الخشف المحشـم
وبأمر رب الكون تفتش لي غطاها

عذبة المبسم وجودك لي ترسـم
من جديد وبسمتك زايـد بهاهـا

لا تجدد لي جروحـي والله اعلـم
جرحـك الاول وتعبنـي دواهــا

ياحلو هاك الزمـان وليـه انـدم
واحلى لحظات العمر عمري طواها

عشت فيك احساس شاعر ماتولم
للـقصيد وللـمعانـي الـي وراهــا

لا تبسم شف انـا روحـي تألـم
لا تعذل الـروح جاهـا ماكفـاهــا