البدع:بن حوقان=
ودي ارتب المعنى وبيت القصيد=
ادري ان الكلام الزين ماله وصيف=
كم بروق يجينا سيلها لو بعد=
قلنا عن المزارع كيف تغتاض منها=
ماتفيض السيول الابمنحى لها=
**************************=
الرد:عبدالعزيز=
ابعد ياقلب عن الحيات لاتلقص ايد=
وابتعد عن طريق الخوف واشرد وصيف=
وابني امثالي بترتيب ولابعد=
هرجه الحق لاتزعل وتغتاض منها=
استمع من يرويها ومن حلها=
**************************=
البدع:بن عزيز=
غابت الشمس والسواح فوق الجليد =
ناس فوق الجليد وناس فوق الرصيف =
كلنا نسقي المغرس على ماي عد=
العدود البعيده شاهدوا ماي منها =
ما تروى القلوب الاعلى ماء لها =
**************************=
الرد:ضيف الله العمري=
قبل ما يخضع المسجون تحت الجليد =
ودي انا نناظر للشتى ونرى صيف =
والحذر لايقدم منطق ما يعد =
منهو اللي يقدم هرجه مايمنها=
نعرف الناس ونميز علام لها=
**************************=
البدع:بن حوقان=
يادكتور العلل ماكلها في الوريد=
وانت مادام تعرف وش علاج الكفيف=
اعطني الوصف واخدمني بقدر الجهد=
اما تعصب عيوني واقطع اليأس منها=
ولا تفتح حواجبها وتأذن لها=
**************************=
الرد:عبدالعزيز=
انشغلنا مع اهل الصادره والوريد=
ناس تغانا وناس تعيش عيش الكفيف=
يامحمد دخيلك لا تثير الجهاد=
الديار اللي مر ادريس واليأس منها=
كن ودك تعذبها وتأذلها=
**************************=
البدع:بن عزيز=
ياحبال الموده لاتعقد عقيد=
اللي معروف باسمه مايعرف عريف=
رغبتي في البناء مارغبتي في المهد=
والعيون الحزينه ضيمها موجعنها=
نفتح العين ونداوي كفيف لها=
**************************=
الرد:ضيف الله العمري=
الرقيب الموظف مايجازي العقيد=
المصيبه على الجندي ورأس العريف=
طاح في البحر طفل باقي في المهد=
عالم غوصت كيف ابعد الموج عنها=
كل ماتلطم امواج كيف افلها=
**************************=
البدع:بن حوقان=
ياصالح سارت الدنيا بلاوي وكيد=
وانت مثل الذي يبغى العنب في الخريف=
لاتقول ذاك يتصرف ولاذاك سد=
الذي بيده البيعه لو اغلى ثمنها =
صدر السوق والبيعه وراء قفلها=
**************************=
الرد:عبدالعزيز=
ياضيف الله معي للناس علم وكيد=
وانت وش بك تخرف في الصباء ياخريف=
ريت وجه السبع واحسب ان ذاك اسد=
هرجتك مابياجي قلبي اغلاث منها=
واكثر الناس شجعها وراقف لها=
**************************=
البدع:بن عزيز=
فيه مزح في المعنى وشيء جديد=
والله اني من اقوال الخطيه عفيف=
لاتقول لو بدعت القافيه ماش رد=
فتنه الغرب بعض الناس يتلى محنها=
ودي اهد مبناها وبيت لها=
**************************=
الرد:ضيف الله العمري=
فيه شيء قديم وفيه شيء جديد=
المساجين مسكوا كلهم في عفيف=
كل ماطب في يدي غاوي ماشرد=
حد نوني يشوف الناس وتلامح انها=
ودي ازاور اصحابي وبيتل لها=
**************************=
البدع:بن حوقان=
تحسب ان الحكم والشعر خطف بليد=
بأعطي النصف بالمعنى وضعف الضعيف=
لكني مدري اعطي تمر ولاشهد=
حنا نقهر عتاد الجيش ونهزم انها=
وانت تخلط عنب بيشه على شكلها=
**************************=
الرد:عبدالعزيز=
العالم ما ييقف في دربه الا البليد=
والمدرس تضيمه تلتلات الضعيف=
ود بعض العرب يحكم ولو ما شهد=
والله يا باعض القوات ماانهز منها=
ما تطيح الطيور الا على اشكالها=
**************************=
البدع: بن عزيز=
ياجمل يالذي هبد وكثر هبيد=
لا تكثر هبيدك مافي الناس خيف=
والله بعض السيوف العوج ماهي لحد=
عندي القوه اللي كلمتي بر عنها=
قوة ما تسالم لي لعنت اصلها=
**************************=
الرد: ضيف الله العمري=
اكل بعض العرب زاد وكثر هبيد=
دايم توصل الرميات منا سخيف=
ليلة السبت ياشعار ماهي لاحد=
اغلب الناس ودي نبعد البرعنها=
كلمة الحق يا صالح لاعنت اصلها=

أبو سامي
صحت الألسن والأبدان
ولك كل الشكر على إيرادك لهذه المحاورة الرائعة
سلمت ولاعدمنا حضورك الجميل
ننتظر الجديد ولك كل التقدير

صحت ألسن كل الشعراء
وبيض الله وجهك ياضيف الله على هذا الإبداع ..