بعد طول الغياب
بعد طول الغياب وجرحي اللي ما هقيته طــاب=تجين ترددين آسف وكني واحدٍ عـــــــــــــادي
وبعد سنين من صبري بضحكه تصنعين أسباب=تحسبيني غشيم ولا أعرف الصادر من الغادي أنا والله ورب البيت ما عمري ضربت حســاب=لمخلوقٍ يهمشني وقصده يحرق فــــــــــــؤادي لكنه غصب عني والهوى طبعه مع الأحبـــــاب=يوردهم حياض الموت ودروب الهوى أنكـادي صحيح إني هويت وقد سمعت إن الهوى غـلاب=ولكن ما توقعته يحدرني معــــــــــــــك وادي نسيتي كل ما قلنا بذاك الوادي الخـــــــــــــــلاب=نسيتي يوم أجي في موعدك قدام ميعـــــــــادي نسيتي يوم أدق الباب وأنتي تمسكين البـــــــــاب=ورحّبتي وهلّيتي قبل ما أكون أنا البــــــــــادي نسيتي يوم نكتب حبنا وشعورنا بكتــــــــــــــاب=وقلتي حبك أعتبره مثل شربي مـــــــــع زادي وش اللي غيّر أحوالك يا مال النار والحطــــاب=وش اللي غيّر أسلوبك من الطيب الى الــرادي تحكّي بالصراحه وأصدقي قولك بدون عتـــــاب= وقولي كل ما عندك ما دام إني معك هــــــادي وأنا بأقول ما عندي وبأحلف صدق ما ني بكذاب=ومن يكذب على الثاني عسى يحدى به الحادي |
اخوي /غرمان بن عزيز..الشاعر الكريم
ويبقى المعنى في.. قلب المشاعر ولكننا نحلل بعفويتنا وفكرنا البسيط سلمت أناملك الذهبية لما خطت من حروف ماسيه مبدعة أتيت هنا فاستوقفني هذا الشذا العطر من تلك الانامل الحريرية فعلا كلمات تصدح في غمرة السكون لتشكل عزفا رائعا احرف مكللة بروعة المعنى أسعد الله قلبك تقديري لشخصك الكريم اخوك غصيت بالدمعه |
اقتباس:
مرحبا بك ملايين يالغالي وفرصه لي أن أراك هنا لترتقي قصائدي بمرورك الى ذائقة الجميع فشكراً لك على هذا ودمت بخير وعافية ولا خلى ولا عدم 0 |
صح الله لسانك مليار على المشاعر الكبار
راائع عزيزي وبلا شك مشاعرك وأشعارك دوماً رااائعه كروعة حضورك أجمل الود ولاعدمناااك إحترامي |
تبارك الرحمن الله يعطيك العافية يا الغالي
وش اللي غيّر أحوالك يا مال النار والحطــــاب=وش اللي غيّر أسلوبك من الطيب الى الــرادي تحكّي بالصراحه وأصدقي قولك بدون عتـــــاب= وقولي كل ما عندك ما دام إني معك هــــــادي وأنا بأقول ما عندي وبأحلف صدق ما ني بكذاب=ومن يكذب على الثاني عسى يحدى به الحادي |
غرمان بن عزيز
صح الله لسسسانك ملااااايين مبدع ولا اكثر من ذلكـ دمت متالقا ورائع لك تحياتي |
اقتباس:
الله يسلمك ويعطيك العافية وألف شكر لمرورك الغالي وأنت غالي 0 |
اقتباس:
أشكرك يا أبا ظافر على مرورك الكريم وعساك ذخر 0 |
اقتباس:
الله يصح بدنك يالغالي وأشكرك على مرورك الطيب وطبت وطاب مسعاك 0 |
الساعة الآن 06:16 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir