|
تغريدات (2) ...
تغريدات (2)
لا عاد حسّادك من اهل وقرابه من كيدهم ذقت البلاوي والاوجاع فالمرّ يذبح لا تكثّر شرابه وإن ضاقت الدنيا فجوج الله اوساع # ابو فارس # ****************** يقول من لاقى معاناة و اجراح ومجربٍ سوق الفلس منذ مدّه من ظنّ في الاسهم مغاناة وارباح مثل الذي يعطي الحرامي بيدّه # ابو فارس # ****************** من علّق اعلى دنيته كل الامال و يظن فيها لا استوت له شطارة مثل الذي يبني على جرف منهال بأيات لحظة ينهدم به جداره # ابو فارس # ***************** حن كذا يا معشر الشعب السعودي بالمواسم بين سلخٍ و ازدحامي في السعة و الرخص ما تلقى وجودي وننبسط لا صار فينا الموس حامي # ابو فارس # ***************** يالله توفقنا رجا ليلة القدر يا واحد بيديه تصريف الاقدار و اكتب لنا في الخير ما يشرح الصدر واختم لنا الاعمار بالعتق مالنار # ابو فارس # ******************* الدين ما هو بس منظر و ديكور الدين مخبر في التعامل و الاخلاق لا تنخدع في الشكل لو كان دكتور و الطيب لا تستغربه لوه حلاق # ابو فارس # ******************* الشهر يا اهل الخير يبكي وداعه عسى الولي ذي المن يقبله منا عساه في الميزان ثقل و شفاعة و يعود باحوال على ما انتمنا # ابو فارس # ******************* يا احفاد بن ملجم عليكم من الله من الخزي و اللعن ما تستحقون هذا فساد الدين ما هي مغالاة و افكار ما تطري على بال مجنون # ابو فارس # ******************* الحمد للي يبسط الرزق و يتوب ما هب نسناس و ما دن رعاد لوكان غير الله من الناس مطلوب كنا هلكنا بين ظالم و حساد # ابو فارس # ******************** سبحان من يبقى على حال واحد و تشوف خلقه كل يومٍ على حال شخصٍ تودّه يصبح اليوم جاحد و تودّ شخصٍ ما خطر لك على بال # ابو فارس # ******************* كم حاجةٍ تطرد وراها ولا تجيك و تجيك حاجاتٍ لحدِّك عجيبة هي خيرة الله .. ذا كِتب لك بياتيك ما احدٍ بها الدنيا خذا الا نصيبه # ابو فارس # ******************* كل الجمايل يثيب الله راعيها الا جميلٍ ينافي الخُلْق والدينا صنايع الطيب لا تُعدم مساعيها ما تزرعه تحت الارض اتشوفه العينا # ابو فارس # ******************* و سلامة روسكم. ،،،، |
سبحان من يبقى على حال واحد و تشوف خلقه كل يومٍ على حال شخصٍ تودّه يصبح اليوم جاحد و تودّ شخصٍ ما خطر لك على بال # ابو فارس # ******************* كم حاجةٍ تطرد وراها ولا تجيك و تجيك حاجاتٍ لحدِّك عجيبة هي خيرة الله .. ذا كِتب لك بياتيك ما احدٍ بها الدنيا خذا الا نصيبه صح لسانك واعتلا شانك ياشاعر |
الله يصح لسانك ويسعدك يا الغالي
سبحان من يبقى على حال واحد و تشوف خلقه كل يومٍ على حال شخصٍ تودّه يصبح اليوم جاحد و تودّ شخصٍ ما خطر لك على بال # ابو فارس # ******************* كم حاجةٍ تطرد وراها ولا تجيك و تجيك حاجاتٍ لحدِّك عجيبة هي خيرة الله .. ذا كِتب لك بياتيك ما احدٍ بها الدنيا خذا الا نصيبه # ابو فارس # ******************* كل الجمايل يثيب الله راعيها الا جميلٍ ينافي الخُلْق والدينا صنايع الطيب لا تُعدم مساعيها ما تزرعه تحت الارض اتشوفه العينا |
دائما مبدع .
بارك الله فيك على هذه التغريدات الرائعة . شكرا لك . |
كلها روائع وجميلة ومميّزة ..
صح الله لسانك أبو فارس ودمت متألق .. تقديري .. |
الصياد الضاري
بن ظافر ابو فهد ابو ريان اشكركم جميعااا على طيب المرور ولا خلا و لا عدم. ... ، |
ماشاء الله ابداع صح لسانك يابو فارس والحقيقه فيه اقتباسات كثير واعجبتني تحياتي |
صح لسانكـ..أبيات رائعه
الف شكر لكــ.. |
صحها صحها بيض الله وجهك
اخي الكريم.. |
صالح العمري
عذبة الروح ابو خالد حياكم الله و بياكم نورتوا المتصفح ولا هنتوا جميع،، |
| الساعة الآن 12:11 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir