|
سوالف ليل ,,,,,,
السلام عليكم مساكم الله بالخير .... اعضاء المنتدى الغالي..... صراحه انا انسان امل من المواضيع العاديه ... وامل من ردود شكرا ... نورت الموضوع ... شاكر مرورك... صراحه انا احب السوالف .... وبالرغم ان منتدانا يعج بالاعضاء الجيدين .... والذين لهم باع عريض في الحياة.... الا ان الحوارات قليله جدا ... عموما .... كان لنا مكان في هذا المنتدى نلجا اليه حينما نريد ن نسولف او نضحك او نتناقش .... وانتهى.... :rolleyes: وصراحه فكرت افتح هالموضوع.... وفكرته يكون سوالف .... حوارات .... مناقشه .... من لديه شي ويحب ان يتناقش ويرى اراء الاعضاء حوله .... يعني نغير الروتين .... وصراحه حطيته في هالقسم عشان ياخذ طابع الجديه في الحوارات ... اتمنى لي ولكم التوفيق .... السفير,,,,, |
رد: سوالف ليل ,,,,,,
يعطيك العافية اخوي السفير على الفكرة.
وبصراحة اهي فكرة جيدة . |
رد: سوالف ليل ,,,,,,
بارك الله فيك يالسفير
ودائماً مواضيعك لاتخلو من الفائده والمتعه وفي إنتظار أي سالفة << متحمس رعاك الله |
رد: سوالف ليل ,,,,,,
ننتظر العلوم والسوالف ....
نبي نوسع صدورنا .... يالله حيهم .... |
رد: سوالف ليل ,,,,,,
موضوع جميل
بارك الله فيك طيب من قد عايش هذا المثل (ماهي لمن طلبها ان هي لمن كتبت له ) يسعى الشخص منا الى عمل ما ويكون هذا العمل من نصيب غيره |
رد: سوالف ليل ,,,,,,
اقتباس:
هلا امال ... المثل بلهجتنا... ماهي لمن قسمت له انها لمن كتبت له ....:) والله كثير.... واخرها قبل اسافر... كنت انتظر وايت في مواقف الوايتات ... المهم كنت اول واحد .... وطفشت ... ودقيت على الوالد .... وقلت يابوعبدالله ماجاء شي .... وللامانه انا طفشت .... قال ماعندنا ماء .... قلت والحل .... قال خلاص اطلع وانا اتصرف .... وبس طلعت .... الا والله يالوايت يوم جاء ... واخذه الي بعدي... قسم بالله بغيت ابكي ...:) ورحت قلت لابوي بالسالفه .... بغى يتوطا ببطني ... لكن قال ياولد .... عفو المرة ذي ... بس بشروط... رح ود اهلك السوق .... وبعد ماتجيبهم رح جب جدتك من عند عمك ... وبعد ماتجيبها رح جيب لنا عشاء اهلك مافيهم يطبخون .... يعني لو انتظرت الوايت اصرف .... هههههههههههههههههههه ادري طولت بس عادي الموضوع للسوالف ...:cool1: |
رد: سوالف ليل ,,,,,,
اقول هو صدق .....
سمعتو في الاخبار شي عن لندن ولاشي ...؟؟؟ يعني شي ماهو كويس .... بوم بوم .... مااقدر اتكلم شكل الدنيا ملغمه ...:) |
رد: سوالف ليل ,,,,,,
انا ماسمعت شي
وتوي دخلت على موقع العربيه مافيه خبر عن لندن ! |
رد: سوالف ليل ,,,,,,
الموضوع جيد جداً ..
أنا عندي موضوع وسالفة وممكن حق نقاش واللي منه .. المهم في مرات كثيرة اقرأ في الجرايد : هذا الشاب يرفض البطالة ويصمم كذا وكذا ويصل بفضل ذلك بعد الله إلى مستقبل ممتاز وتلك الفتاة تتحدى وتصمم وتبدع في هذا المجال وترفض أي فرص وظيفية بعد ذلك .. الحقيقة وقتها يتبادر بذهني سؤال على طول / يعني لازم من البطالة عشان نجد مبدعين ام إن الحاجة ام الاختراع .. وفي مرات أُخرى أقول يا ليت البطالة موجودة من زمان عشان يظهر لنا أمثال هؤلاء لأنه مع مرور السنين تصبح لدينا الخبرة أكثر وأكثر وكل ما ظهر جيل جديد يسير في طريق آخر غير عما كان عليه من سبقه من أهل البطالة عندما عوضوا بطالتهم بالإبداع بمجالات أُخرى .. أوجز الكلام وأقول يا زين البطالة لأنها أوجدت مبدعين .. هل من الممكن أن أكون صح أو غلط ؟ الله أعلم لكم التعليق .. تقديري للجميع .. |
رد: سوالف ليل ,,,,,,
حتى انا...
بس قالي واحد روسي ... يمكن مقلب ... عوافي المهاجر.... والاخبار والعلوم .... سولفوا شي :) |
رد: سوالف ليل ,,,,,,
اخي السفير ,,,, موضوع رائع ومثل ما قلت أنت سوالف ونقاشات ,,,,, لذلك أبي تعلمنا كيف الحياة عندكم في لندن وش الجديد وش الفرق من ناحية الناس والتعامل معهم ,,,,,, هذا ما حبيت المداخلة به ,,,,, لـــــك عــبـــيـــر أشـــــــــواقـــــــــــي |
رد: سوالف ليل ,,,,,,
السفير بيض الله وجهك ... ماشاء الاخ في لندن .... الله يوفقك وانا اخوك ... اصبر لي بس اكمل الدبلوم في ينبع وباذن الله اني لا اسنتر عندك ... واجيك لابس قميص وسروال ضيق وكرفتة (( لبس فرنجي هههههههههه)) واخذ علومك .... بس دعواتكم لي بالبعثة .... دعواتكم .. دعواتكم ... عندي سالفة .. هههههههه على سالفة الابتعاث ... قبل يمكن سنتين قالوا في ابتعاث على الخطوط و بعثة الملك عبدالله المهم هذاك الفترة اول ترم لي بالكلية ... وكل الشباب سجلوا في الابتعاث الا انا ... لاني كنت متوقع ابو اسماعيل يرفض ... المهم لما رجعت الديرة قلت لة يا ابتي لقد كان هوناك تسجيلا في الابتعاث الفلاني ولافلاني .. وانا لم اسجل ... خرعت من رفضك لذالك ... فبهت من ردة فعلة ... فقال انكم لشباب للاسف ......... لا احد يدقق ... الخ هههههه قلت وشفيك .. قال لية ما سجلت قلت والله كنت خايف انك ترفض .. قال لا والله الله يوفقك ... قال هيا تدري واانا وابوك كمل الدبلوم والبكاليوريس باذن الله ما تخاذها الا برا لو على حسابي ... واقوم واقبل يدة وخوشمة وراسة .... فذا الشي الي قهرني اني ما سجلت ... وسلامتكم يا ذولية |
رد: سوالف ليل ,,,,,,
السفير
غير مستغرب منك الجديد والمميز بارك الله فيك .. بالنسبه لك يااسماعيل ,, بصراحه ابوك ديموقراطي مايحتاج عاش في الحياه وتنقل بين دول الخليج , ولا يستغرب منه غير صدق شباب ...... . الخ .. على قولته مع اني مدري وش قال .. المهم فيه عندنا ماده ندرسها تسمى الأبعاد الفيتوغرافيه في الجيولوجيا .. ويدرسها دكتور نابغه على مستوى العالم حاصل على المركز الثاني في مجال عمله .. وجنسيته مصري , طبعاً الدكتور هذا اخذت عنده اكثر من مقرر ويتمتع بأخلاق عاليه جداً ويحب النقاش مع الطلاب بدون تكلف . تحدث في احد محاظراته عن معاناته في عام 2001 اثناء تجوله بين اربع دول اوربيه للتدريس في جامعاتها , ومن معه من العرب والمسلمين . وبصراحه استفدنا منه حاجات كثيره وعلمت منه ان من يخرج من مصر للدراسه خارج بلاده ولديه زوجه مصريه وعائله .عليه بوضع كفيل حضوري يضمن عودته الى مصر طبعاً يقول رهنت ابي يعني وضعته كفيل لي حتى عدت . وحين عدت بقيت هناك سنه ثم توفي ابي ووضعت احد اخوتي وجئت السعوديه . وكان في شدة الفرح وذلك لأنه يقول بناتي اثنتان اكبر واحده فيهم عمرها 12 سنه لا تعرف عن اللغه العربيه اي شيء وانما تتحدث الألمانيه . تجرأت وسألته قلت له : ماهو سبب نباغة اخواننا المصاريه وتميزهم في الذكاء ؟ قال عشان ان عندنا مناهج مكثفه خلاال تعليمنا المدرسي ونطلع للخارج ندرس ما ندفن عقولنا داخل مصر . وبالعكس انتم السعوديين اذكى بكثير , فهناك اربعه دكاتره سعوديين في المانيا لهم مراكز علميه كبيره ويرفضون العوده الى السعوديه . وجميع من منكم بالخارج من الدكاتره يذهلون الجامعات التي ينتمون لها ... الخ .. وسلامتكم ادري اني طولتها غير من لسان المصري حلوه .. |
رد: سوالف ليل ,,,,,,
هلا جبرني الوقت ... والله وانا اخوك الحياة هنا مختلفه تماما... ان اقلك كيف... اول شي يصدمك .... النساء.... عاد الي يجي في الشتاء اهون .... انا جيت بوسط الصيف.... وطالع من ابها .... الي تشوفها بلثمه نقعد نتكلم عليها ونطرد ومن هالقبيل... عموما طبيت في هيثرو اكبر مطار في العالم .... وتعال شف الضياع ... وتشوف حريمهم لابسين بدون هدوم << اول شي يلفت انتباه السعودي... ولما تستقر تفقد اهلك اول شي... وتفقد اصحابك .... وتفقد خرجه الليل... وتفقد اللفه الي الساعه 3 وانت تكلم لحالك وتمشي بالسيارة لحالك وولع اللمبه الداخليه << واقع الشباب السعودي... واهم شي تفقده الاكل.... لان اكلهم هنا لايطاق... وصعب البحث عن حلال... وتطبفي خنزير تفكره دجاج.... وانت اللغه الله بالخير... ماتقدر تسال... بس بعد ماتستقر.... ترجع السعوديه .... تشتاق للندن واهلها... لانهم ناس عندهم النظام مقدس.... لما تشيل من الاجهزة والكاميرات .... انتهوا.... اتمنى اكون بسطت لك الصورة .... ولاتدققون على الاخطاء الاملائيه .... |
رد: سوالف ليل ,,,,,,
هلا اسماعيل... ابشر بالعوض وانا اخوك .... وترى الابتعاث سهل الايام ذي... لكن نصيحه اخو يحبك ... خلص البكالوريس بالسعوديه .... وتعال ماجستير.... اقلك ليه ... الماجستير هنا سنه واللغه سنه... وانا دارس هنا بكالوريس .... وذابحتني الغربه ... وراح اخذ ماجستير.... وارجع انا واياك بنفس الشهادة .... تكون وفرت على نفسك خمس سنين غربه ... وسلامتك ... ولاتاخذ بكلامي لانها وجهة نظر خاصه .... لكن اسال وشوف ... والله يوفقك ... وانا الي استقبلك ... لاتسوي زيي... ضياع :) حياك |
| الساعة الآن 09:37 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir