|
مقابل أي شي أنتي تبينه
سَعدك انتي بما تملك يديني=وروحي جعلها لأجلك رهينه أنا ون قلت لك سويت شيني=ترى من حال هالدنيا وشينه بتبقى صورتك في وسط عيني=ويبقى اسمك يعطرني بزينه ويبقى حُبك أغلى حُب فيني=عساني ماعدمك يأغلى ثمينه احاول قد ما اقدر تريني=رضاك إني أصله وأستدينه ولكني ولو سويت زيني=مقابل أي شي أنتي تبينه! غلاك انتي يكفيني حنيني=وحبك لي غذاء روحٍ حنينه وتقصيري وأنتي تعذريني=وبعدي عنك وأنتي تنكرينه تراه داعاك يمي لي يجيني=وانتي إللي بربك تذكرينه ابدعي واحدٍ وحده يعيني=يمدك بالسعد ويا السكينه وأبدعي لك بصحه كل حيني=ومنهو في رضى ربه يعينه بدون تنقيح اتمنى أن تنال إعجابكم جميعاً وبلا شك القصور حاصل مافيها كلام مودتي ولاعدمتكم |
رائعة من روائعك الدائمة أخي المسكت ..
أختصرت الوصول إلى القلوب بجمال قصيدتك وسهولة تعاطيها .. قدمتها بشكل ميّسر وسلس وعالي الذوق .. لله درك وصح لسانك ولك تقديري .. |
الأم تستاهل منا أكثر من ذلك
تسلم قريحتك على هذه الابيات الرائعه صح لسانك وبارك الله فيك |
أبيات رائعة في حق الأم و تستاهل أكثر
يعطيك العافية مديرنا الغالي ولا عدمناك ,,, |
شاعرنا ومديرنا المسكت !!! اي كلام يوجه للام لابد ان يكون اما شامخا أو معبرا وقد وفقت بنيل الاثنتين بهدوء الشاعر الملهم وبادب الابن البار استطعت ان تتواصل مع امك واسمح لي ان اعتبرها هدية لكل ام !!! تقبل مودتي وصادق تقديري |
صح لسانك حتى ترضى
وربي يخلي لك والدتك ويرزقك برها..تقديري.. |
سَعـدك انتـي بمـا تملـك يديـنـي=وروحـي جعلـهـا لأجـلـك رهيـنـه أنا ون قلت لـك سويـت شينـي=تـرى مـن حـال هالدنيـا وشيـنـه " اول ماقرأت القصيده بديهياً وجدتها على احد البحور الشعريه الجميله في عالم الشعر وهو(الصخري)مع أن شاعرنا الجميل المسكت التزم في قافية الصدر التزاماً كاملاً... رغم أن العرف في هذا البحر يلزمك في أول بيت فقط ان تلتزم قافية الصدر والعجز!!! يعني الصدر تكون اينه... والعجز... اينه...كما اسلفت في أول بيت فقط وتهُمل في بقية الابيات ويكون الشاعر حراً في مابعد ذالك بمجمل القصيده ولكن حرص الشاعر وتمكنه الواضح وابداعه الراقي جعله يلتزمها كامله انت مبدع بحق والأم تستحق اكثر يامبدع لله درك ايه الراقي وللجمال بقيه...
بتبقى صورتك في وسط عيني=ويبقـى اسـمـك يعطـرنـي بزيـنـه ويبقـى حُبـك أغلـى حُـب فيـنـي=عساني ماعدمك يأغلى ثمينـه " وهل يوجد اغلا من الأم في هذه الدنيا!!! لاو الله انها كل شي في حياة الانسان اسعد انسان بالدنيا من مكنه الله من وجود والديه واحسن اليهما احساس رائع من شاعرنا المتميز في وصف قدر الأم وتصويره تصويراً رائعاً وخصوصاً عندما قال(ياغلى ثمينه)فعلاً يوجد في الثمين غالي جداً... ابدعت وامتعت ايه المسكت ومازلت اكرر لله درك وللجمال بقيه...
احـــاول قـــد مـــا اقـــدر تـريـنــي=رضــاك إنــي أصـلـه وأستـديـنـه ولـكـنــي ولــــو ســويــت زيــنـــي=مقـابـل أي شــي أنـتـي تبـيـنـه " وما اجمل الوصف والشعور بالتقصير تجاه الوالدين وأن كنت باراً بهما إلا انك لاترى نفسك كذالك تواضعاً من نفسك الطيبه للوالدين ما اجمل احساسك والتعبير عنه في الشعر وإيصال هذه المشاعر في هذا الاسلوب الرائع انت مبدع جعلنا الله واياك من البارين بوالديهم ابدعت وللجمال بقيه..
غــلاك انـتــي يكفـيـنـي حنـيـنـي=وحـبـك لــي غــذاء روحٍ حنيـنـه وتـقـصـيـري وأنــتـــي تـعـذريـنــي=وبـعـدي عـنـك وأنـتــي تنكـريـنـه تـراه داعــاك يـمـي لــي يجيـنـي=وانـتــي إلــلــي بــربــك تـذكـريـنـه ابـدعــي واحـــدٍ وحــــده يـعـيـنـي=يـمــدك بالـسـعـد ويـــا السكـيـنـه وأبدعـي لـك بصحـه كـل حينـي=ومنهـو فـي رضــى ربــه يعيـنـه " في اختصار كتبت في اجمل مايكتب فيه الأم!!! جنة الانسان في الدنيا أن وفقه الله واستطاع الاحسان اليها... نعم ابدعت في مايستحق الابداع ايه الراقي لايسعني الا أن اقول كلمه فرضتها وتستحقها صح لسانك تحياتي واحترامي |
صح لسانك
أبيات رائعه الله يعطيك العافيه |
شاعر يابو عبد الله ومبدع ومانقول الا صح لسانك وبيض الله وجهك فلأم تستحق منا الكثير .
|
المسكت المدير العام صح لسانك على هالابيات والله يرزقك برها |
اخي المسكت نعم القمه لا ترضا الا بالقمه ,,,,
ابدعت و انتقيت من الشعر اجمله وافصحه ومايصل الى القلب وما اكمل جمال البيات انه عن الام ,,,,,,تلك الكنز الذي في حيات كل انسان لكن من يقدره ويعرف قيمته النادره الله يخليها لك ,,,,,,,ويزيدك بر لها |
تسلم بارك الله فيك صح الله لسانك تـراه داعــاك يـمـي لــي يجيـنـي وانـتــي إلــلــي بــربــك تـذكـريـنـه ابـدعــي واحـــدٍ وحــــده يـعـيـنـي يـمــدك بالـسـعـد ويـــا السكـيـنـه وأبدعـي لـك بصحـه كـل حينـي ومنهـو فـي رضــى ربــه يعيـنـه |
قصيدة ذات طابع خاص من النوادر التي تلامس الاحساس الراقي وتتمكن من النفس بصدق نبضها وروعة كلماتها سجل اعجابي وتقديري اخوي المسكت ابدعتم فلكم كل الاحترام |
قصيده في غايه الروعة
الام مهما قلنا فيها لن نوفيها حقها علينا ابدعت شاعرنا بيض الله وجهك |
راااااااااااااااااااائعه من رواااااااااااائع شاعرنا المميز
نسأل الله ان يجعلنا جميعا بارين بوالدينا تقديري وإحترامي لك |
| الساعة الآن 09:29 PM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir