منتديات بني عمرو - الله يعين القلب لا ملّ صبرة. ......

الله يعين القلب لا ملّ صبرة
جعل الفرج يسعى لمن يحترونه

لو يكتب المهموم ما جفّ حبره
مما يرى وْيسمع وهيّج شجونه

في وقتنا كثر العلاقات حسرة
والبعد عن بعض البشر يمدحونه

شفت التجارب للفتى خير خبره
في مدرسة دنياه طيلة سنونه

فيها العجب واللي حصل فيه عبرة
للقلب بانواعه و شتى فنونه

من ذاك لا تآمن على النفس غدره
والله لو كان اقرب اهله يخونه

و هذا يقول ابشر ولك دقّ صدره
كذاب في زعمه و نظرة عيونه

واللي يدوّر لك بزّله وعثرة
وان شاف ما يسْعدْك جنّ ابجنونه

واكبر خطا في حق الإنسان قدره
لا صار يجلس عند من يرخصونه

واللي سكت للذل لا عاد يشره
واقل ما يلقى من الذل هونه

نفسك عزيزه من بغى حفر قبره
يلمس كرامتها و خابت ظنونه

والزم عليك الدين منهاه وامره
أدّ العبادة واطلب الله عونه

واطلبْه رب الكون عفوه و ستره
من قبل راسك في الثرى يدفنونه

# ابو فارس #
12\2\1443هـ