فز الخفوق
اسعد الله اوقاتكم جميع اخواني وزوار منتدانا الغالي هنا في هذا الطرح كان الاقتباس للبيت الأول وكلنا نعلم لمن كان له ومن تغنا به القصيده لها موقف اكيد ولكن حبيت اني اجاريها او اسايرها لكن بنوع مختلف ولها قصه اقتصر بما ذكرت. من البيت الاول تكون بقيت ابياتي اللتي اتمنى أن ترقى لذائقتكم جميعا مع اعتذاري للجميع لو كان فيه اي تقصير . فز الخفوق وقلت يالله عسى خير واثر الليالي عاد غايب قمرها ....... طرا علي البيت في حزّة عصير وانا نويت ارضٍ بعيدٍ سفرها راكب على اللي فزّته كنه الطير لاقام من وكره وعينه قطرها اليا فتحت الباب قلت التباشير وانوار شاشاته يسرّك نظرها واليا دركسونه تعدّل على السير وبابه تقفل كن واحد امرها يطوي طريقه مثل ماتطوي السير بعد المسافه لا تساوى قصرها يهواه من يهوى الصغار الغنادير وبهيبته كل المراسم عمرها المرسدس احساس مبدع وتصوير لوحه رسم فيها الورود ونثرها امان بعد الله ولا فيه تقصير يجذب وجيهٍ فقرها اللي كسرها ولا شراه الا الكبار الهوامير اللي دراهمهم غزيرٍ مطرها والرزق بيد اللي عليه التدابير اللي ظروف الحال عنده خبرها المقصد آصل يم دار المناعير دار الجنوب اللي الخزامى عطرها كله عشان اللي عيونه مساهير اللي دمر حالي وروحي اسرها جيته على الاشواق واشواقنا غير ويقول كنت اكتب بداية سطرها قصايدٍ فيها من الوجد تعبير بهديك من فيض الشعور وبحرها قلت اسمعك قولي عجل دون تأخير وقالت ابو نوره من اول ذكرها ...... فز الخفوق وقلت يالله عسى خير واثر الليالي عاد غايب قمرها وسلامتكم جميعاً |
يالله عسى خير يا صالح يالله عسى خير ..
صح لسانك وبيض الله وجهك فقد أبدعت وأمتعت .. قصيدة من النوع العالي جداً سواء اتجهنا لمجاراتها أو لكونها منفردة لحالها .. أطربتني وأعجبتني وأقنعتني وأمتعتني بكل صدق .. لا أعتقد بأنك استخدمت الترميز بل كنت واضح حول المرسدس وخاصة بأن الكثير من الأبيات أبقت المرسدس بمعناها الحقيقي دون أن تكون ( توريّة ) لمقصد آخر وآخر الأبيات فخامة وجمال والحقيقة بأنك كنت رائع بفكرتك لهذه القصيدة حتى وإن كان المحرك لها شعور حقيقي من القلب .. منها للأجمل ولك تقديري .. |
صح لسانك قصيدة جزلة بارك الله فيك .
|
صح لسانكـ
ابيات رآئعه وحرْف جميل |
صح لسانكـ
رائع ماكتبت الف شكر لكـ |
*** رسام المشاعر هذه القصيدة رُسمَت كعقد جميل ضياءه معاني حقيقية ثم إن الجمال بآخر الأبيات مكمنه فيض الشعور و: ( يالله عسى خير) لا فُض فوك ودمت للشعر طرباً وإمتاعاً . تحيتي وتقديري |
المقصد آصل يم دار المناعير
دار الجنوب اللي الخزامى عطرها كله عشان اللي عيونه مساهير اللي دمر حالي وروحي اسرها جيته على الاشواق واشواقنا غير / \ / صح لسانك يا صالح مجاراه ومسايره فريدة تبطي ولكن ما تغيب وتجيبك الأشواق ويفز الشعر بحضورك .. دمت بود ..! |
المقصد آصل يم دار المناعير دار الجنوب اللي الخزامى عطرها كله عشان اللي عيونه مساهير اللي دمر حالي وروحي اسرها صح لسانك ياشاعر ابدااااااع |
اقتباس:
ابو ريان الاستاذ والاخ الاكبرمرورك الاجمل الذي اضفا على متصفحي الروعه وزها بطلته ومفرداته ونثر العطر في ارجاءه اشكرك لك من الاعماق . |
اقتباس:
ابو فهد العمري صح بدنك وبارك في تواجدك العطر |
اقتباس:
عطر الحكي صح بدنك اختي وشكرا لمرورك الباهي على متصفحي ودي لكـ |
اقتباس:
عذبة الروح صح بدنك والروعه في مرورك المميز على متصفحي ودي لكـ . |
اقتباس:
نبض الشاعره الجميله والمرور الاجمل والزاهي على متصفحي فشكراً من الاعماق لطيب الحضور والكلمه .. كل الود . |
اقتباس:
ابو مانع صح بدنك وطاب فالك وشكرا لك للحضور وشكرا لما جادت به اناملك . تحياتي لك |
إستمـتــعت كثيــــرا بهـــــذهــ الكلمـــات شاعــــر عظيــــم أنـــــت شكـــرا لكــــ |
الساعة الآن 02:34 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir