السلام عليكم ورحمة الله و ركاته
مساكم فلّ وياسمين
وأرجو أن يكون فيما نقدمّ ما يرقى لذائقتكم الغالية ,,

من هاجسٍ عرّض عليّه و لي لـزّ=حوّل وقال الفكر ذالليل مركـاز
هات الدلال و شبّ ضوّك لنا فزّ=قرّب معاميلك ترى الجـو ممتـاز
عطنا علوم الشْعر وابنه على العزّ=طيب السَمَرَ ينسي الإذاعة و تلفاز
قلت ابشر و في خاطري علم يكتزّ=ودّي أقوله حتى لو كـان بإجـاز
للصاحب اللي قام يهمز و يلمـزّ=وانا اعرف ان الكفو ما هو بهمّاز
إن كان يعنيهـا فلانـي بمحتـزّ=ارفا الخطا لانه من احباب واعزاز
وان كان يمزح ما ني ابقايـلٍ بِـزّ=حياة ما فيها مزَحَ هـمّ و اخنـاز
يومٍ بعض الناس في خوته كنز=ولا بعَضهَم سنّعه واعطه القاز
لا تحسب ان سعيد ما هو مركّـزّ=لو طايرة هو يلتقطها كما البـاز
ما هو غباء عن بعض ما قيل و يهزّ=إلا انتغابى و سيّد القـوم معكـاز
ودّي تكون امبّاشـرة دزّهـا دزّ=يا شينها لا صارت ارموز والغـاز
ما مثلها إلا الطعن في الظهر و الحزّ=والجرح يبطي لين يبرى و يجتـاز
والشعر في ذالوقت كثره كما الرزّ=لو توزنه فاكْثرْه مسفوه و اكـزاز
و النادر اللي يسمع و قيل محـرزّ=من شاعرٍ يحكـم معانيـه بانجـاز
ابيات لك من خاطرٍ سمْح ويعـزّ=كانك تعزّ الصاحب اللي لها حاز
أقولها مثل الـذي يهـدي البَـزّ=مير الهدية طاحت ابكـفّ بَـزّاز

يــومٍ بـعـض الـنـاس فـــي خـوتــه كـنــز
ولا بـعَـضـهَـم سـنّـعــه واعــطـــه الــقـــاز

صح لســــــــانكـ يا بو فارس
معاني راقية في حبكة لا يتقنها سواكـ
دمت متألقا ودام الابداع حليفكم

المشاركة الأصلية كتبت بواسطة سد الوادي (المشاركة 1008119) صح لسانك وسلمك الله قصيدة راائعة تستحق الاشادة تحيتي لك

صح بدنك يا غالي

و الروعة تكتمل بمرورك الكريم ,,,

المشاركة الأصلية كتبت بواسطة نبض القلب (المشاركة 1008150) .,. قافيه ثقيلة أجدت وزنها تستخدم البساطة تصويراً فـ يتعظم الشعور ويسكن العيون إعجاباً أحسنت بحق ي قدير

نبض القلوب أشكرك على
مرورك الغالي و تعليقك الكريم

دمتي بخير ,,,

المشاركة الأصلية كتبت بواسطة المهندســ (المشاركة 1008296) يــومٍ بـعـض الـنـاس فـــي خـوتــه كـنــز ولا بـعَـضـهَـم سـنّـعــه واعــطـــه الــقـــاز صح لســــــــانكـ يا بو فارس معاني راقية في حبكة لا يتقنها سواكـ دمت متألقا ودام الابداع حليفكم