منتديات بني عمرو - الورد مخطي

جيتك اشيل الورد فرحة بلقياك

ماغير شوقً لك والله يعلم

شكرً على وصلك على حسن مبداك

منك الحجر ملزوم منك يتعلم

الـورد مخطي او أنا انت حاشاك

منقال يـفكر فـيك لحـظة ويحلم

عـودت اواسـي فـرحـتـي لـيـه تـبـكاك

ثـنـيـن رحـنـا لـك وعــدنا نـتـالم

الـثعـلب المـكار في صـدرك اغــواك

عايش حياة الغاب تسفك وتظلم

شف راح فكرك وين هو وين وداك

وسنين راحت فيه فيك يتحلم

ياما صواب قلوب صابت بلا دراك

تكفر وهي في دين الاسلام تسلم

لاني بصاحب لك ولاني من عداك

ولابـي تحـس شــوي فــيـنـي وتـالم

تتضارب افكاري هنا هناك وهناك

في مدرسـة ماشوف غيري معلم

يالليلي العازف على لحن اهواك

ماعـاد ترقـد عن عـيـوني تـلـهـلم

دمعة على خدك بضحكة ع شفاك

عسعس بها ليل القصيد وتكلم

مماراق لي