منتديات بني عمرو - طريقة صنع معجون الطماطم في البيت .. من اعدادي و تقديمي

بسم الله الرحمن الرحيم

مساء الخير ياالله حيهم من زمان عن قسم المطبخ

بدون مقدمات امس الحمدلله حتى يرضى الله

و الحمدلله اذا رضي و الحمدلله بعد الرضا

كان عندي كمية طماطم كبيره ماشاالله ربي يديمها نعمه و يحفظها من الزوال

و خفت تطول بالثلاجه و تخرب و تروح للزباله ع الفاضي

فقلت يا بنت خلن اتسنع شوي :d

و قررت اسوي جزء من هالطماطم معجون

شمرت عن ساعديّ و رحت للعم قوقل و سئلته عن افضل طريقة لصنع المعجون في البيت ..

طلعت لي طرق كثيير و مختلفه و في بعض الطرق فيها اضافات و هيك

انا حبيت اسوي المعجون بمكونات اساسيه و بسيطه لانها اول تجربه لي

و استقريت على هالطريقه ( و ابشركم طلعت النتيجه مرضيه جدا
و طعمها و نكهتها و حتى ريحتها نفس المعجون الجاهز
و افتتحتها اليوم لمن سويت الغداء )

المقادير :

كمية طماطم + ملح حسب الرغبه

تقريبا الكمية اللي اخذتها مدري كم :d

بس كانت كمية كبيره و لا تخافون لانها راح تتقلص بعدين ..

اول شي نغسل الطماطم و ننظفه و نشيل الورق الاخضر اللي ع راسه
نقسم الطماطم انصاف و نشيل البذور و هذي النقطه مهمه جدا

مع الاسف انا ما قدرت اشيل كل البذور لاني طفشت :d

http://store2.up-00.com/2014-01/139111606681.jpg

نحطها بقدر و نشعل النار و نحط عليها ملح حسب الرغبه انا حطيت رشة ملح

و اتركيها على نار متوسطة حتى تذذبل بهالشكل

http://store2.up-00.com/2014-01/1391116066872.jpg

راح يطلع منها مويه كثييييير

حطي الطماطم والمويه اللي طلعت منها بالخلاط

و اخلطيها حتى تصبح ناااعمه

حطي مصفاة على القدر و صبي الخليط بالمصفاء و خليه يتصفى

http://store2.up-00.com/2014-01/1391116066923.jpg

شيلي المصفاة و اشعلي النار على الخليط اللي نزل في القدر

مع المراقبه حتى يثقل و يغمق لونه شوي

http://store2.up-00.com/2014-01/1391116066984.jpg

و انتبهي لا يحترق

اتركيه حتى يبرد ثم حطيه ببرطمانات و قفليها و دخليها الثلاجه ليله كاملة او يوم كامل حى يكون عندها وقت تثقل اكثر و تتكثف و ابدئي استخدميها باليوم الثاني

و هذي النتيجه

:)

http://store2.up-00.com/2014-01/1391116067055.gif

نفس القوام نفس النكهه نفس الطعم حق الجاهز

http://store2.up-00.com/2014-01/1391116067116.jpg