يا خشيف الريم
 

يا خشيف الريم لمفلي
انت لي الصب راحاته
شوفني م الحال منسلّي
كالقلم تبريه مبراته
شلت حمل متعب الشل
وامرحت بالحيل قوّاته
إن يحدته ناظري هلّي
واسفحت بالدّمع عبراته
وان شجيته خفت لمجلّي
تنظوي بالخبث نيّاته
الخلي بالنّوم متخلّي
إلا أنا ما ذقت لذاته
دوك في القلب يا خلّي
والذي عندك إليه هاته
إن فرضتوا جتلي يحلّي
يعل عمرك تطول اوقاته
لك محل فيه ما حلّي
غير حضرة شخصك بذاته
سيّدي يا كامل الدّلّي
يا شفا يرحي وعلاّته
لي بدهن العود والفلّي
خامره بالمسج هفّاته
يا شبيه الورد المطلي
لي المنثر فوق وجناته
اطلب الله يوم باصلّي
يستعيد الحظ ما فاته
والشّموت يموت معتلي
إن صفوا للحب ساداته.
من روائع شعر فتاة الخليج رحمها الله
تلحين وغناء ميحد حمد