|
تغريدات. .... رقم (6)
يا ام القرى يا اهل الوفا والمحبّة
انتوا حديث القلب له لحن واشجان ليل المفارق لارتما و يش طُبّه وتواردت في خاطري كل الاحزان ما تجمعه الاقدار يومٍ تكبّه والامر للي قال للشي كُن .. كان # ابو فارس # .................... ابذل من المعروف من غير تقصير في احدود طاقت نفسك و من كرمْها ولا تنتظر مالناس رحمة و تقدير من لا رحم نفسه فلا احدٍ رحَمْها # ابو فارس # ......... ... ...... حث الخطا لا تنثني بك عزيمة وابذل لتحقيق الهدف كل الاسباب وان صكت ابوجهك فلا للهزيمة وانص الذي بامره مفتايح الابواب # ابو فارس # ................. روّح وعوّد لا يطوّل غيابك الاّ الوداع المرّ لا تجيب طاريه ودّي عتابك بس ما اقدر عتابك غاليٍ تغلّا ما قوينا تغليّه # ابو فارس # .................. يا صاحبي لا صار ودّك تشتهر ويصير لك بين العرب حضوة وشان فبْلا تعب شوف لك سفاهة وادّهر براهنك واجزم على كسب الرهان # ابو فارس # ................. من ذا خبر لي شاص تسعة و سبعين الموتر اللي يصبر الكل قبعة عجزان لا صلّح و في كثرة الدين ما حدٍ بيسلم من عزيزة و رفعة # ابو فارس # ................. تسري بي الذكرى على طول الايام وانا اتذكر ما مضى من سنيني في ذمتي مرت بنا كنها احلام امن المَهَد حتى بلغنا اربعيني يالله تزيّن ما بقى واجعل العام اللي بدا خيرٍ و كُن به معيني # ابو فارس # .................... إياك تتمادى بكسب الخطايا وتمنّي النفس الشقية بتوبه تعظم عليك المشكلة و البلايا و تلمّها من حوبةٍ فوق حوبة من وين يبقى للرشاقة بقايا يا مسرفٍ شغلتْه توسيع ثوبه # ابو فارس # ................. الله يا زين لون الشمس وقت الغروب ما كنها الا خدود صويحبي في الحَمَار يا بحر جيتك من اهمومي و ناوي هروب جالس بشطك مع الاشواق حالي دمار # ابو فارس # ................. اشتقت لك شوق النحَل للبساتين واشتقت لك شوق البساتين للما شوقٍ مركّب يا غلا الروح والعين والكون في غيبتْك موحش وظلما # ابو فارس # .................. لا عادها الله من حزّة لا ناحت ابجنبي الورقا فزّيت يا خافقي فزّه والعين في دمعها غرقا ذكراك ياللي له امعزّه الكبد من وقعها حرقا فرقاك دزّت بنا دزّه وما فيه باصعب من الفرقا # ابوفارس # ................... المال ما ينجي من الشيب والموت ولا يقدّم ساعة ولا يوخّر لو تنفع الاموال ما شفت تابوت يحمل عليه اهل الثراء المذخّر الخلق شاشة و المقادير ريموت في كفّ من يجري السحاب المسخّر نبني من الآمال أبراج و بيوت و احلامنا في خاتمتها تبخّر اخذ القناعة كنز لولو و ياقوت ومن قدم لْيوم البَعَثْ ما تأخّر # ابو فارس # .................. آمرّ ذاك المكان و ما هو من زينه ولولاك يالغالي ما يطري على بالي آمرّ واعيش ذكرى الشوق في حينه كنّك بجالي واسولف لك عن احوالي وافوق من حلمي والدمعات في عينه يبكي شعورٍ يذيب الصخر في الحالي رحلتْك رحلة تغث العمر و سنينه يا جعل منزلْك في الفردوس يا الغالي # ابو فارس # |
صح لسانك أبو فارس ..
أبدعت وكل تغريدة أجمل من الأخرى .. دائماً تمتعنا بالجزل والرائع .. تقديري .. |
صح لسانك
أبيات رائعه الف شكر لك |
اقتباس:
صح بدنك يالامير وانتوا اهل الابداع دائما تشرف متصفحنا بطلتك البهية لا عدمناك،،، |
اقتباس:
صح بدنك ولا شكر على واجب،،، |
| الساعة الآن 11:38 AM |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir