منتديات بني عمرو - قصيده نبطيه رائعه للشاعر حامد العمري رحمه الله

هذه قصيدة للشاعر الاسطورة حامد العمري رحمه الله

لا اعرف مناسبة القصيده
واتمنى ممن يعرف مناسبة القصيده يعطينا إياها ولايهون

القصيده :

يوم اعتزيت وقلت صبيان عمرين ~~~ قالوا لنا يافلان سر على المهايل

فقلت وجهك بارد يا اريش العين ~~~ زريتني يوم اعتزي بالقبايل

ربعي صلاب الشور في ساعه البين ~~~ وقولها صادق ولا اني بمايل

أنا اعتزي في لابه تنزع الدين ~~~ فقصر علومك عن عيال الحمايل

رجل العرب له بطن ونت بطنين ~~~ كبست فيها من النعايم نثايل

ولدت بعصر الفول تفطر بصحنين ~~~ وقدور فوق اصحون والشحم سايل

ميلادك مع ظهور شوكه وسكين ~~~ وبعد اظهور المنشفه والغسايل

عسى الله يجازيك خذ الرد ردين ~~~ طيحت رجلك في عسار الحبايل

واعطيك سالفه الرجال القدمين ~~~ وعدها في بيوت شعر(ن) اصايل

يوم اقبل الطابور قوم (ن) دخيلين ~~~ يوم المعارك بين صايل وجايل

ربعي اذا جات النواب صليبين ~~~ من يكسبون المدح يوم الحصايل

جانا جنود من ورى البحر غازين ~~~ طافوا البلاداجنوبها والشمايل

جانا طوابير وسلاحهم صنفين ~~~ معشر ومدافع لها شعايل

متوقعين القوم كلهم هوينين ~~~ ويحسبون القوم كلهم سهايل

فغاروا علينا يوم سرنا معيين ~~~ لقتل الرجال وينهبون الحلايل

فغاروا علينا بالمدافع مجدين ~~~ ووصلوا الى المطلى وبعض النزايل

ويحسبونا في نضرهم بسيطين ~~~ ما حسبوا في الارض ربع (ن)هوايل

ولكن في ردنا كنا سريعين ~~~ فقمنا وركبنا الحبال المحايل

ثم اعتزوا لرد صبيان عمرين ~~~ ولا يجيب المدح شرب السوايل

وفينا مشايخ عظام مشيرين ~~~ ما يقبلون الضيم من كل عايل

فدارت رحانا فوقهم والله امعين ~~~ فقمنا وشدينا حزام البسايل

قعدنا ثلاث اشهور لرد محيين ~~~ بثميل يمطر مثيل الوبايل

ثم احتزمنا صيحت السبت عجلين ~~~ يوم يشيب المرضع ويوم هايل

قالوا مشايخنا وروس الموامين ~~~ يا صلب راسي يا طوال المهايل

لا ترحمون اكبارهم والمسنين ~~~ شدوا عليهم بالحداد الصقايل

فلم نكن في ردنا مسخيفين ~~~ وصوت المدافع هز روس القلايل

فلم نكن في ردنا مستكينين ~~~ غطت جبال السرو منا الحدايل

ثم التحمنا تنضر العين بالعين ~~~ والحد الابيض من منزلات النكايل

ماهم محنينا ولااحن محنين ~~~ ظلت دمي القوم سايل وغايل

وفعلن هزمناهم وصاروا مذلين ~~~ شربوا من ايدينا سموم (ن)علايل

ثم ادبروا عنا وصاروا مولين ~~~ مثل الدباء يتركبون الثمايل

خذنا معشرهم من اللي طريحين ~~~ وصفوفهم والطيرظلت نشايل

ثم اكتسبنا الفخر من ذلك الحين ~~~ والمدح له من يكسبه بالفعايل

فصاروا شباب ابلادنا والمسنين ~~~ يتفاخرون بما صنعه الاوايل

دخيل ردينا له الرد ردين ~~~ يشهد علينا الله اذا سال سايل

وعلى عوايد من سبقنا مصرين ~~~ ما نرخص الناموس من شان قايل

فن كان تبغى البينه مستعدين ~~~ وذا ما يجيب اشهود يرجع مخايل

وبعد ما علمتك بغزوت احنين ~~~ ماودي نكثر عليك الثقايل

مسكين يامن يرخص الناس مسكين ~~~ من كثر هرجك بان فيك الخمايل

ما تدري عن الناس وينهم محلين ~~~ هم في علوا الارض والا السفايل

سردا بعيش جالس بين صفين ~~~ وفي جيبك الميره دايم تخايل

فخلنا اصحاب ونجلس عزيزين ~~~ ومن يستعز المدح ربحه جمايل

ياما صبرنا ونسمع الزين والشين ~~~ وياماسكتنا عن كثير المسايل

ربعي رجال الحجر ربع(ن) كريمين ~~~ ما قلت فيهم من العلوم الرذايل

نعمين يا ربع الظفر والف نعمين ~~~ وافين مد يوم كيل(ن) وكايل

منتوا على كسب المدايح شحيحين ~~~ ولا فيه بد ملحقينه عذايل

رفاقه من قبل حكم السلاطين ~~~ وما يحول بيني وبينك اليوم حايل

وبيرق رجال الحجر واحد وذربين ~~~ والغمر فينا ما نشى ع العوايل

ابيات شعرحطها في دواوين ~~~ والشعر ما يرما بمرمى الهمايل

ومن يرخص الشعر ترهم رخيصين ~~~ والشعر ثروه مالها من بدايل

وتنقضي اجيال وشهور وسنين ~~~ والشعر يبقى في الدفاتر وثايل

ولا بنيت الشعر من نحو عامين ~~~ حتى نصير في المعاني رفايل

لي في علوم الشعر تسع وثلاثين ~~~ اعرف موازينه ومد وكايل

ومن انتقدني على الرأس والعين ~~~ وما يصيبني من الناقدين الزعايل

والنقد الى جاء من الرجال الادبين ~~~ فالحق ما ينكر وغيره بطايل

ومن يعتدي على الشعر كره وتخمين ~~~ با قوله مخطي وغاوي الدلايل

وراقب الشعارصارو عديدين ~~~ يوم ربنا وسع علينا الفضايل

ناس تصيب اهداف وناس مخطين ~~~ وكل(ن) يرى غزوه وافي الحصايل

وكل من الشعار له قوم بينين ~~~ يتحاسنونه ما يبون الكمايل

هاذي طبوع الناس في قرن عشرين ~~~ وما عاد من الحكمه إلا قلايل