منتديات بني عمرو - لابد صياد الفهود ايصاد

ماكل رايٍ اسمعه يعجبني
ولا لي معى اهل الخاجلة مقعاد

واللي يشب النار بين اقرابه
انا اشهد انه ناقصٍ مازاد

واللي يدور للمراجل دايم
لايجعل الصادر معى الوراد

واللي يمينه للعطا تواقه
بينه وبين الطيّبة ميعاد

واللي عيونه صوب غرّة ربعه
لاتحسبونه من ضمن لاجواد

هذا لايدعابه ولايدعاله
لو كان لجدوده وسم وشداد

وانا معي عقلٍ عسى ينجيني
من غُبةٍ تغرق بعض لاولاد

لما غدت مابين شمس وفيّه
النفس تبغى وقفةٍ وجهاد

والرابح اللي مرضيٍ خلاقه
ترفع له البيضاء على لاشهاد

يبر شيبانه وينفع ربعه
وسوالفه للخارمين قناد

والسيرة اللي دايماً محمودة
تبقى مابين اهل الوفا تنعاد

يدعى لراعيها لو انّه ميّت
في كل قاع وكل وجه بلاد

واللي معى اهل الطيب شبره وافي
يبشر بصيتٍ يوجع الحساد

واللي يصيد ببندقٍ ماتخطي
لابد صيّاد الفهود ايصاد !!

شاعر من بعيد