يا عود اخضر
في وش الريح محني

متى تطيب
ويثمر حبي في اوانك


ويا كل من سمع في الهوى لحني

متى يا هوى تغنيني ألحانك


طول عمرى والشوق يفضحني

وآه يا دفا من برد نيرانك


أسير الشوق والحرف شارحني

بين القصيد في بحورك وأوزانك


مغصوب على البعد
ياعشقي سامحني

الغربه مكتوبه علشاني وعلشانك


اه ياحلم اللقا اللي جارحني

لا طاب الجرح
ولا ناسي احزانك

سجلوا كل اللي بقوله
ممكن انسى بعديها بثواني

اصل الاحساس مبيتحفظش
دا بيطلع فى وقته وله فعوله

ومش كل كاتب
حافظ كلام كتابه

ولا كل شاعر
حاسس باللي يقوله

سجلوا كل اللي بقوله

ساعات كتير بكتب وبنسى
ماهو لازم انسى علشان اعيش

وساعات كتير
على نفسي بقسى
وساعات ابني حلمي من مفيش

وكتير يادنيا بتبقي ملازمنيش
وفى لحظه تانيه
بحب عمري بكل فصوله

سجلوا كل اللي بقوله

من زمان وانا بكتب الشعر لنفسي
كل حرف بيكون فى الوحده أنسي

ولما بلاقي نفسي
في الزحمه منسي

بنادي حرفي
يشيل من على قلبي
أتقل حموله

سجلوا كل اللي بقوله

ياسامعين الكلام اوزنوه
بميزان القوافي

ويا حاسين الكلام سجلوه
هتلاقوه فى برد المشاعر
غطا دافي

واللي مش فارقه معاه
دا هموم حياته موتوه
ومستنى فرح الموت ينوله

سجلوا كل اللي بقوله

يا بيت القصيد النادر وجوده
أتمنى حرفي في يوم يكتبك

مثل الظبى تايه في شروده
والصياد بسهمه ناوي يقتلك

وانا حرفي ما تعدى يوم حدوده
ويوم تعدى كان لاجل يوصلك

وعطرت لك كل شعري بوروده
وأزهار المحبه عطرها ما يعجبك

وأبواب الهوى في القلب موصوده
ومفاتيح الغرام مصنوعه بمعدنك

ما كل من قال أحبك يغليك
كثير الغلا ألي ما ينطقه كلام

في الفرح أنا ترتيبي الأخير
وفي الحزن أول وبكل جداره

مع كل صبح اقول عساه خير
والشمس تدفي قلوبنا بحراره

سمي علينا يا تراب سمي
ولمي الحنين يا أرض لمي

مات ابويا وبعده مات عمي
إبكي ياخويا اهو ماتت أمي

ومفضلش غير جرح يبكي
م الفراق في قلبي الحزين
الفرح فين الفرح فين

الفرح فين وليه عني يغيب
دانا من سنين وحدي
ومالي حبيب
يابايعين الفرح ليه التمن غالي
ووحدي اعيش جرح
وأتوه في ترحالي
وقلبي البرئ يشكي
بدمع عين
الفرح فين الفرح فين

ايه هتاخدي يا دنيا مني
بعد اللي راحوا
يارب عيني ع الصبر وجراحه
دانا من زمان نفسي افرح
وأنسى حزن السنين
الفرح فين الفرح فين

صحيح احلى المشاعر في القليل
واكثر احساسي في هواك سارح

في قليلك عاشق كل التفاصيل
وفي تفاصيلك ما احلى الملامح

ادمنت حبك وقاسيت فيه الويل
ويل قلبي لا صار الحب جارح

صبي من الحب كاسك
صبي كاس مدامي

والله تسحر انفاسك
مقتول من سهم رامي

مليت احكى ومليت من كثر الشروح
ومليت اوفي وعلى الوفا القى الملام

ناسٍ على ضير الزمن ما تغلت
وناسٍ تغلت من قولة هلا بك

وناسٍ منها كثر الاحزان ملت
وقلب على درب الوله سابك

ويستلهم الغد ملامحه من امس بات فى غياهب الماضى

#العشق ليس حب الجسد فبماذا سنختلف عن سائر الكائنات
العشق هو ذاك الطهر اللذى يتغلف بالكمال والفضيله

تعزفينى لحنا !
بأى الات العزف ؟
#اعشق الناى الحزين
واسرح على اوتار العود
ويهدهدني البيانو
وتدغدغنى الطبله
ويبعثرنى الجيتار
ويلملمني الكمان
فتنسال منى الدموع
سيمفونيه
كل مقاماتها الموسيقيه
زفرات وجد
ونات نبض
وتبقى انت
النوته الموسيقيه
بكل حروفها

صرخة سكات
لما اشوفك بقلبي قبل عينى
لما جوايا بخبي شوقي وحنينى
وييجى الليل اسهر لوحدى
والقمر جميل والسما وردى
وابص جنبي ملقاكيش
بتهزنى صرخة سكات
لما بمشى فى الشوارع
وادور فى الوشوش عليكى
لما اغنى ليل الموادع
ولا يوصل سلامى ليكى
ومهما ادور ملقاكيش
بتهزنى صرخة سكات
لما اسهر ايام منمشي
لما فرحى من قلبي يمشي
ولما اكتب حروفى شعر
ولما اغرق فى الف بحر
وفى حروفى ملقاكيش
بتهزني صرخة سكات

أحـــبــك
كم تبعثر هذة الكلمه كل شاعر
كم تجرف سيول العشق الى وادى الهوى
نعم
نعم
فى الحب دعني اتنفسك حتى الثمالة
ياخمرة الهوى لقلبي السكير
يالذة الغرام رشفاتك الوجد
يانبيذ معتق من حب أثير
اقتربت شطك ام انا ابعد
ليل السهارى السكارى ضرير
دون سنا نور بدرك الموقد
أثملني هواكى وصرت الاسير
وسيف الفراق قاتل الوعد
فلا لقاء ولا بقاء ولا مجير
ومات الفؤاد من جوىً كمد
#بعثرة_حب_حتى_الثماله
بقلم: ياسر ابراهيم (بكاء بلادموع)